扒王之王「不死身」新店復活選址曝光！熟客仔：憑呢句說話抵我畀機會佢！

扒王之王旺角「復活」

日前，Facebook社交平台「90年代回憶 (新版)」有帖文發現，已經結業的扒王之王重出江湖，預告5月中選址旺角山東街再度營業。從海報所見，扒王之王以煙花作為背景，右上方以「扒王一哥」自稱，更附上新店地圖，又歡迎食客光臨指導。

由於扒王之王是不少港人鋸扒情意結，有熟客留言表示新店「有冇講嘢大好聲果個呀叔」，對此充滿回憶。亦有網民指出，嚴格上扒王之王一直都無執笠，雖然最後一間沙田分店早前結業，但它闆一直在旺角開設「扒王一哥」，現在只是重新用「扒王之王」名義開設第二間分店。

網民：飲食界小強！

• 「比個機會佢，相信捲土重來，一定會有一翻新氣象！」
• 「前返工LUNCH，周圍無位，就係去扒王。」
• 「30蚊左右學生餐有湯有野飲牛扒意粉（2000年頭），夜晚百零蚊。」
• 「好多年無見過舖頭開張寫歡迎指導啦！」
• 「扒王之王一次都未食過， 佢啲質素同金鳳 係咪差唔多？」
• 「西冷，红湯，生力啤！」
• 「好頑強！」
• 「扒王有無諗過同農場搞聯乘？」

70年代，李德麟於美國經營凍肉生意。1999年，李德麟以其批發凍肉的經驗，決定進軍飲食界，於九龍紅磡開設餐廳扒王之王，餐廳主力售賣牛扒，取得成功，其後不斷於香港各區開設分店，高峰時期。

翻查資料，創辦人李德麟近年在市場陸續放售物業，套現金額更是數以億計。今年年初，扒王之王沙田娛樂城分店結業，舖位原由創辦人李德麟持有，屬於自用舖位。

不過，該舖位已於去年以5,800萬元沽出，較叫價累減17%，舖位由扒王之王售後租回。粗略估計，連同沽出的葵涌工廈及2020年沽出的油麻地地舖，李德麟已套現約3億元。

• 2022年9月，以約1.8億沽出葵涌葵德街葵德工業中心1座地下及1樓連5個車位，較四十二年前買入價，帳面升值約1.73億，升幅高達25倍。
• 2020年12月，李德麟持有的油麻地咸美頓街12至20號地下18號舖連閣樓，面積約1100方呎，連租約以1880萬元放售，較2017年購入價2280萬元低400萬元或18%，呎價約1.7萬元。

延伸閱讀：加拿大華僑投資大灣區樓盤「唔准住人」 拉橫額控麥玲玲楊思琦代言爛樓盤！

延伸閱讀：元朗獨立屋6,300蚊山旮旯「適合情緒病人士」 網民：睇完好不安！