759日本城發盈警！網民「死諫」港人聖誕留港消費：再咁落去下次裁員就到你

759日本城發盈警

CEC國際估計，今年10月底止上半財政年度的純利僅約10萬至50萬元，按年倒退98.52至99.7%，原因是不再有港府之新冠疫情補貼，以及海外撤銷新冠疫情旅遊限制後，出境外遊人數顯著急升，導致零售額減少。

該公司表示，即使將1,884.2萬元的補貼從去年同期業績剔除，上半財年股東應佔盈利按年亦要少賺99.33%。

至於日本城母企國際家居零售亦發盈警，預期10月止半年的純利按年減少約32至38%，原因亦有不再收到「保就業」工資補貼，以及香港報復式出境外遊，影響店舖人流，拖累收入有所減緩。

除此之外，日本城估計中期收入按年減少4.7%，原因除了大量港人外遊，還有去年基數被抗疫物資需求大增所推高，以及9月及10月香港極端天氣帶來的颱風及黑色暴雨損壞店舖設施，業務營運受到干擾。

眼見本港兩大零售品牌雙雙發盈警，有網民心痛零售行業進行前所未有危險期，擔心打工仔隨時飯碗不保。日前，社交平台有帖文呼籲港人於聖誕節「最後檔期」留港消費，用真金白銀幫襯本地零售行業。

有網民揚言，如果港人仍然自私到外地旅遊，以「食花生」心態將香港零售業置之不理，日後遇上大裁員潮時，自己將會是被裁員的一份子，希望各位網民三思留港消費。

網民點睇？

• 「香港經濟好果時，你有冇份發達？如果冇，咁經濟差又關你咩事？」
• 「業主寧願吉左係度d舖都唔肯減租，做生意既全都都係幫業主打工，係時候齊心清吉晒d舖，由佢地納空租。」
• 「有錢都過晒日本，貪平上晒大陸，香港有今日，多謝班只吸人血嘅業主。」
• 「而家連行出街 一個不留神冇睇燈過馬路，隨時畀人捉罰$2000，你話點樣出去消費呀？」
• 「如果香港人真係有骨氣，香港就唔會搞成咁。」
• 「叫人幫襯下已經夠，叫人唔好去旅行都有既？」
• 「唔好賺到咁盡，搞多D優惠活動，咪自然有人幫襯。」
• 「個個星期咁多人送錢上大陸，市道點會唔差？」
• 「香港人好快自食其果由其比較低收入個班！」
• 「759其實自己做衰自己 越賣越貴！」

延伸閱讀：樓市專家Ken Sir沽擎天半島實蝕170萬！網民問賣樓動機：個個都知咩事吧…

延伸閱讀：Mandy Lieu洗米華昔日愛巢放盤！海景主人套房+天花牆身大玩「鏡面風」曝光