Fresh grad被索1萬家用 公開阿媽「搶錢」惡行：誤信傳銷仲變埋蛀米大蟲
Fresh grad家用應該畀幾多？
有Fresh grad初嚐職場新人滋味，隨即迎來「家用應該畀幾多？」的煩惱。
樓主在網上討論區發文，表示家中有父母及一個就讀中二的妹妹，樓主今年畢業後便找到一份月入19,500元工作。
樓主形容家庭背景可算是中產級別，家人擁有700呎私樓，父親收入穩定，計劃5年後退休，自言「唔算豐衣，但算足食」。
不過，據樓主所述，近年家庭經濟比較緊張，原因是5年前，母親誤信傳銷損失十幾萬，借給親戚的20萬「有借無還」，再加上兩兄妹每年4萬元保費，其母親一度重返職場，最終因為「唔開心」而辭工，目前以照顧妹妹為由「實則喺到煲劇」。
樓主感慨，本身自以為屋企算是中產階層，以為父母不會強行要求仔女給予特別多家用，不過因一件事令自己知道「我錯了」。
最近，母親要求樓主每個月給予一萬元家用，作為借錢比舅父買樓及代樓主儲錢買居屋。
樓主表示，一直預期每月給予4,000元作為家用，由細到大一直無追求物質生活，「買過嘅玩具十隻手指數得晒」，依然使用舊款手機；相反，母親卻買入3部吸塵機、iPhone及網購等開支，亦經常打麻雀，唔返工。
樓主：返工都無動力
樓主又指，一直憧憬投身職場可以靠自己賺錢買心頭好，現在母親要求每月索一萬元家用，「真係咩計劃都打沉晒」。
「本身諗住一個月衣食行用四千，一、兩千娛樂，比完四千家用都有近一萬儲低畀我之後讀master或者其他degree，又或者去旅行，而家就一嘢少咗一半預計儲蓄，返工都無動力。」
樓主又大爆母親投資大計：想阿爸60歲嗰陣喺私樓除名，然後去抽居屋，我同阿爸夾份供再租畀人。
「佢話幫手界首期，但見居屋二百萬都有，首期都只係二十萬，自己努力儲兩三年都有，最慘又唔知抽唔抽到，租屋又好似掟錢落海咁。」
最後，樓主拋下三道難題請教網民：
- 阿爸私樓除名抽居屋嘅可行性
- 租屋有咩要注意
- 小弟可唔可以做公屋仔
網民點睇
- 「嘥氣啦，幫你儲錢買居屋，是咪搞笑？」
- 「問個仔要多啲家用黎供佢個細佬，你都可想言之點會仲俾到錢你供樓？」
- 「借錢比佢細佬呢單一定反枱！」
- 「如果要比一萬蚊家用，情願來$8000搬出去住。」
- 「同屋企誠實講咗人工？」
- 「儲錢自己儲咪得，點解要第三者幫手？」
- 「千奇唔好信屋企人幫手儲錢呢啲故仔」
- 「我淨係知我係你嘅話頂盡俾4，5千蚊算。」
- 「傾咗減家用再講其他問題啦。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
