保險

想有穩定收入又想博 做保險好唔好

投資

廣告

想有穩定收入又想博 做保險好唔好

問 1:

老師你好,我有朋友叫我去做保險,但有感保險公司產品太保守, 及不是太多元化(可能我太初部認識), 好似唔係好容易SALES到, 我覺得基金, 股票投資好似好玩D, 實用D, 唔知有無這類工作入門呢? 如做保險AGENT, 我有點怕朋友會怕左我!!

我是一個無一個月人工都會好擔心既人, 加上投資國內物業都用左大部份錢, 所餘既積蓄不多, 這點都令我非常掙扎. 如一邊做保險AGENT, 一邊做PART-TIME好嗎?

龔成老師答:

我覺得怕朋友怕左你,唔洗太擔心,因為賣保險都好多方法,同埋用朋友去買只是其中一個方法,仲有好多方法,呢方面唔好太擔心。

同埋,SELL朋友都好多方法,你可以用一種不令人討厭你的方法去做就得。我都有朋友做保險,佢的方法是不斷新朋友,但從不SELL佢地,佢只會介紹自己做呢行,如有理財需要就找佢,由於佢不煩人,所以大家都唔會討厭佢,同埋到有需要時主動找佢。所以,這方面不用太擔心。

反而你無收入唔得呢樣野,要想方法點樣刻服,其實唔少人都有呢個問題,有D會因為咁而做半職做保險AGENT, 一邊做PART-TIME,但咁樣反而兩邊都做唔好。

或者你再儲多D錢,有更多的準備,你的心理會好D,睇下再可唔可以克服,呢方面好睇你自己。(對照龔成信箱Q4049)

問 2:

阿sir,我是你股票班學生,有事請教:

1. 如果某企業的10年裏的合理PE範圍在其行業的平均PE範圍之下,是否只有兩個可能,一是這企業股價真的平宜過行業平均,另一可能是市場認為它的賺錢能力比行業平均低,對嗎?

2 你計港交所的每股代表盈利時,你用的每年複合增長率係過去5年還是用過去10年的?我記得以前你教我用10年好些,不過用10年的話好像出了問題,由2007年的$5.76至2016年的$4.76,變成了負增長?點算?

3. 你計中電估值而用的複息增長率,用10年會不會好過用5年?

4. 你計飲食業的PE範圍係那4間企業14.8至28.4倍的中間,珠寶行業都是取中間,點解反而計公用股的行業PE範圍剛剛是那4間企業的14-17倍範圍而不計中華煤氣的26至26.9倍?本港銀行股都是只取那4間銀行12-16倍的上下限而忽略了渣打的PE範圍?

5. 為何你用10年計企業合理PE範圍時會「容忍」某幾年的太高或太低PE而不去剔除佢?例如稻香、味千或某些零售股,反而金融海嘯時期的賭股和銀行股PE就「不容忍」?

6. 而計化妝品零售行業的PE範圍無剔除金融海嘯的PE?

7. 為何新股上市頭幾年PE比較高?關不關每股盈利事?

龔成老師答:

1)對,在一般的情況,都是這兩個可能性。但若真正見到,我都要小心分析佢「盈利」的組成,會否出現了減值等問題,令佢的盈利數字,比實際情況低。

2)我用超過10年的,只是課堂上比10年你睇,因為10年前是2007年,當年是一個大時代,所以代表性較低,如果再推前幾年,反而更有代表性。如果變了負數,你理性分析下,接下來的幾年,盈利情況如果,過往的數據不一定能直線推算的。

3)用10年都可以的,但你留心分析港交所(0388)及中電(0002),你會發現港交所有較大的週期性波動,但中電則比較穩健,所以中電用5年數據,都可以的。

4)當我地分析行業情況時,要找較有代表性,用時將一些較「特殊」的數據,作出調整甚至不考慮,公用股中,你可以見到煤氣(0003)的市盈率明顯與其他不同。另外,渣打(2888)的業務較多在新興行業,加上出現虧損,與香港銀行近年保持盈利的情況不同,所以渣打在行業分析時,代表性要減少。

5)因為在計算銀行股時,明顯見到大環境有改變,但在計算飲食股時,見不到有好明顯「可刪除」的情況,所以只有「包容」佢地在數據當中。

6)最主要睇金融海嘯對佢的影響有多大,其實當時都有影響的,但在數據上見不到整個行業有同一情況的影響,所以勉強用這些數據。

7)這很多原因,但往往上市的頭2年,市盈率代表性都不高,有些會令上市前的盈利大好,上市後慢慢「見真章」,所以上市後的盈利可能會有較大的變動,例如比上市前下跌,就會拉高了市盈率。

另外,上市公司集資,得到現金同時發行了新股,每股股權改變了,每股價值減了,但得到的資金,未必能有即時的回報,所以每股盈利的變化較大,同時代表性較低,而市盈率的代表性同樣較低。

最後總結一下你市盈率範團你概念,其實當中沒有一個絕對的公式,只不過我地盡量較有代表的數據,以10年為基礎,之後再分析整個行業、大環境,分析整個數據有無一致性的結構改變,從而分析這些數據的代表性。

如果已到有些數據是明顯,以數年計、多間企業計,都出現重大的不同,那就要調整或刪去。反之,有時我都無法得到一個明顯的答案,話比我地知這些數據有明顯改變,那有時就繼續用,但有時我地都知道,可能環境有些改響,所以最後計出的數,可能要有少少保守,以反映潛在的不確定性。(對照龔成信箱Q4041)

問 3:

你好,我想請教一下

為何上市公司會分拆?

例如你一直提及4號 分折了1997

那分拆了

應該買入4還是1997

龔成老師答:

分柝的原因是價值的提升,例如九倉(0004),在我《50優質潛力股》最初出版時,當時這股的市值不足$2000億,但單計內裡物業的市場估值,已經超過$2000億。

所以,當企業透過分柝資產,就可以將內裡的價值「呈現」,從而令整個集團的總市值提升。

企業分柝的另一目的,其實是將結構重組,有利佢地管理。

還有另一目的,就是賣出套現,分柝上市,就會將當中資產部分股權賣出,佢地計到現時地產市場較高、股市較旺,加上一、兩年後新世界重建項目完成,有可能對海港城估值略有影響,因此,在2017年將物業分柝(將部分股權賣出),時機上把握得十分好。

分柝完成後,九龍倉置業(1997)較好,但不要心急去入,因為新上市一般較高,耐性等回落才買。(對照龔成信箱Q4042)

問 4:

成哥你好!對於賽晶電子電力(580)這隻股你有研究嗎?可否幫忙分析一下?謝謝!

龔成老師答:

賽晶電力電子(0580)佢的業務可分為兩個業務分部:

第一係分銷業務:分銷進口電力電子部件,例如半導體、電流╱電壓感測器、散熱器等。產品主要用於輸電及配電、電力鐵道運輸及採礦、有色金屬及製鋼等行業。

至於第二部分為製造業務:主要是設計、製造及銷售自行製造的產品,包括IGBT功率模塊、陽極飽和電抗器、高壓電力電容器等,產品應用於鐵道運輸行業及電力行業。

過往業務有不錯的增長,受惠於整個行業及大環境的增長,相信增長仍會持續,但不會太高速。另外,佢的股本回報率不高,反映價格自主能力不強,始終企業規模不大,較易受大品牌買家壓價。

所以,整體質素算是中等,現時市場估值合理,都算正面的。(對照龔成信箱Q4043)

問 5:

老師你好,你對佳兆業(1638)有什麼看法?

我在$5.82買入,一直只跌不升。

龔成老師答:

佳兆業集團(1638)主要從事物業發展、物業投資、物業管理、酒店及餐飲業務,以及戲院、百貨店及文化中心業務。

佢最大問題係業務波動,生意都幾唔穩健,加上5年內有3年出現虧損,雖然最新出的中期業績已轉虧為盈,但這類企業始終質素不高。

2014年管理層大調整,2015年停牌,到2017年復牌,可見公司本質比較麻煩。之後股價被炒至過高,回落至合理價其實正常。這股不易分析,市場對佢估值都好大分歧,只能說股價會波動。(對照龔成信箱Q4044)

問 6:

你好,請問你的投資方法,會用技術分析嗎?

龔成老師答:

我是100%基本分析的。我完全不用技術分析的。

我十多年前開始買股票,當時用技術分析,學左5年,不停地畫圖,但發現完全賺唔到錢。之後完全不用技術分析,就不停賺錢了。(對照龔成信箱Q4045)

問 7:

129 好唔好?

龔成老師答:

泛海集團(0129)主要從事物業發展及投資、酒店、旅遊業務以及證券投資,業務算不過不失的。

近年的生意與盈利都算不差,但股價就較為波動,反映佢業務有少少波動性,同時市場對佢的看法不一。

這股都有投資價值的,但要留意股價較為波動,未必適合太大注。(對照龔成信箱Q4046)

問 8:

新地應該咩價位入市??

龔成老師答:

新鴻基地產(0016)如果真的要安全,就要$100以下,但相信好難見到。因為佢本質有相當的規模及質素,所以比高少少價佢都得,如果有貨當然可等。

但如果無貨,回到$120已可買入,可以以分注的模式入,會較為穩健。(對照龔成信箱Q4047)

問 9:

點睇內地教育股,楓業教育係優質股同潛力股??

龔成老師答:

楓葉教育(1317)主要係中國經營國際學校,中國及加拿大有認證,所以有一定市場。同時相信這市場有潛力。

佢生意保持增長,而且賺錢能力不錯,加上盈利保持增長,初步睇有質素,但行業較為特別,可能要仔細分析才能具體下結論。

這股市盈率處23倍,不算便宜,行業較特別,投資不宜太大注。但我初步睇,佢的質素應不會太差,同時有潛力的。(對照龔成信箱Q4048)

多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要3天以上才能回覆,若然是較複雜的提問,起碼要7天才能回覆,希望各位能諒解。

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:https://www.facebook.com/80shing

個人網站:https://80shing.skx.io/

延伸閱讀:

工作5年儲蓄 $100萬 學識理財你都做到

理財入門

想在股市賺大錢 企業價值一定要睇

理財入門

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。