散戶亂買24隻港股、83萬「賭本」輸咗一半：你個組合有4個缺憾｜龔成

散戶亂買24股港股

以下是本人的股票，麻煩你幫忙應止蝕還是繼續長遠持有？

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

現時全球有不少不明朗因素，都會令市場氣氛，以至經濟都會較弱，再優質的資產都難免會回調。

你持有股票，都有長線投資價值。除了信利國際（00732）投資價值一般，長線只宜小注。

雖然有投資價值，但你組合都存在不少問題。

1) 持股太多

我建議你長線集中係10隻左右，因為你無可能經常審視咁多隻股票，就算佢變左質你都唔知，咁係好危險。

2) 股票有質素，但點解都會輸咁多

原因在於你不懂定平貴。就算再優質，你買貴左都會令你回報受影響，這個是不少散戶的通病。

3) 平衡性弱

你現時持股中，集中在”潛力股”和”收息股”類。前者風險高，適合年青和有經驗投資者。後者主要收息，適合近/已退休或好保守架投資者。

若你係年青至中年，可以較集中潛力股。若你係中年偏近退休之年，可以集中收息股。但同時要加入一些平穏增長股(風險度是前2者之間)，去令組合更平衡。平穩增值股，例如指數基金。

4) 股票風險高

阿里巴巴(9988)、快手(1024)、明雲源(0909)、完美醫療(1830)、醫渡科技(2158)、金沙(1928)、贛鋒(1772)這幾隻風險度都偏高。

而中海油(0883)、中石化(0386)這類商品股，質素中等，這些股票長線都不宜持有太多。

延伸閱讀：高層老婆誤買股票、贛鋒鋰業抽升7%發文致歉 散戶力撐：老闆娘再多買點！

延伸閱讀：「舖王」鄧成波家族又沽貨！9,180萬賣元朗地皮 估計累積套現逾170億