薪酬調查|單身人士年收入較已婚者低 男士差距竟高達37%!數據揭示背後殘酷真相

止蝕好定死揸好?讀者愈跌愈坐 終頂不順沽在最低位大輸60%

投資

1) 成哥,十分憂心,無覺好瞓。 現時全副身家都係蟹貨,損失唔少,仲要睇住日日跌。 請畀D意見點做好

撰文:龔成|圖片:[email protected] Shuliahin

持有數量及成本均價:

0003煤氣10000*$15

2318平保6000*$86

700騰訊500*460

2800盈富10000*28

3067恆科20000*16.2

1628禹州110000*3.3

現時已損失30%以上,尤其禹洲唔知點算。

禹洲係110000(十一萬股),我大部份都係2018股災前已持有,捱过一波都又一波,越踩越深,現已屆退休之齡,唔知仲等唔等到佢哋翻身!

2) 頂唔順睇住跌,沽清平保同禹洲,竟然係差不多最低位,損失60%,請問其它的如何處理較好?

如果止跌回升,可否再買入?

龔成老師︰

其實你投資最大問題,唔係選股或者定平貴方面。而係你依然放開唔倒,賺差價的心態。一見個價跌,就覺得隻股票出問題,個心就慌。

你要明白我地投資係長線,最主要睇係企業質素,而唔係個股價。因為只要企業有質素,長線股價一定會增長,中短期波動,我地係唔應該太在意,重點要放在企業質素上。

禹洲集團(1628)主要於中國廈門、上海、福州及合肥從事物業開發、物業投資、物業管理以及酒店業務。

佢係新加坡、香港、上海、合肥、福州、廈門等地均設有分支機搆。

整體質素都有,但未算好強,佢在行業中,未算有好大的規模與優勢,另外,負債較高都對這股造成風險。加上業務有點波動,這股唔建議投資太多。

由於近其中央政策,不利房地產行業,故其出現大調整,都係正常。

由於禹洲質素較弱,你減持係可以,但未必一定要全沽。(但沽左就算)

其餘股票,都係有長線投資價值。不過你已在退休之年,持股就應以收息股為主,而你持有股票,大多是增長型,風險偏高。

煤氣(0003)、騰訊(0700)、恒科(3067)雖然都有質素,但我建議你都要慢慢減持,換至一些收息股,去創造現金流,支援你退休生活才算理想。

以下是一些有質素的收息股,你可以參考下,現價都合理,可以分注慢慢入貨。

目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。收息基金(3110),都可以。

另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

關鍵詞
投資有道