27歲孝順港男月交萬4家用 唔儲首期被分手 未來外母：咪害我個女！

近日，一名剛剛失戀的中產港男在社交媒體發文，分享自己因為未能順利儲首期買樓，而遭女朋友家人的白眼，最終更難逃分手的命運。樓主稱今年27歲，畢業出黎做咗4年嘢，人工2萬9一個月。近日終於面對現實：「冇首期，就要分手，完。」

未來外母：唔儲首期唔好害咗我個女！

樓主回顧往日拍拖經歷大呻，女友媽媽每次食飯，都在詢問自己問幾時買樓，令他倍感壓力。更教導未來女婿「貧賤夫妻百事哀」，叫自己放棄，不要「害」她27歲的女兒。

「個女都27唔細，養到個女咁大，唔會畀個女同你屋企人一齊住。」

終於，女友亦抵受不住媽媽壓力，日前同自己講：「冇首期，就要分手，完。」，樓主感慨，自己不懂得在這個地方生存。對自己、對女朋友亦徹底失望。

港男不禁緬懷自己在學時對打工的憧憬，憶起自己讀書的時候「覺得返工賺錢好開心，可以買到好多嘢。」，感嘆原來出嚟做嘢養家係咁辛苦。

樓主亦列出了自己每個月的平均開銷，證明自己無餘力「儲首期」：

網民：27歲其實好細

貼文一出，隨即在網上引起熱烈討論，有網民勉勵樓主尚算年輕，不要太早被社會期望困住，就算不結婚生活一樣多姿多采。

• 「男人30歲開始先黃金期，繼續劈！」
• 「同埋27歲其實好細，俾呢d社會框架限住有乜為。」
• 「伯母呢啲雞髀唔係人人食得落..」
• 「真心愛你嘅女人係會諗辦法同你一齊行。」

網民：你值得更好的女友和家人

亦有網民發現樓主十分孝順，將自己月薪近半作家用，為樓主抱不平，認為「29k 一個月已經好叻仔」而且每月交14000的家用亦不是小數目，認為樓主值得更好。

• 「要比成14k家用，你屋企人實好難頂。」
• 「14000家用真心孝順仔，但的確難儲錢。」
• 「你值得擁有更好既女友同屋企。」

延伸閱讀：匯璽慘蝕176萬問鼎「炒家墳場」 網民嘲深水埗扮西九：係咪衰呢，當年盲搶樓

延伸閱讀：觀塘19蚊阿婆三餸飯 店主薄利益街坊「學生再減3蚊」：係30年前讀書情懷