Investlahk專欄 – 港美股指數月度大市技術分析 – 22/9/2023
廣告
1.HSI自8月尾反彈，當時睇18700左右行人止步，到今早期貨再創下今年新低，可見由今年1月HSI重啟跌浪至今，應對最佳方法就是升到咁上下開始保守，跌到咁上下又開始積極進取，因為佢整體趨勢都係波幅向下。
不過呢d行情其實係好要求日內交易的專注度，例如今早，假如錯過早段2B向上，再破平行通道升幾百點既機會，也只能夠觀望，呢個時候切忌見到升先追，如果要做，最起碼都等佢勁到克服埋18400先考慮安心出行。
格局上其實都容易睇，HSI現時來來去去都是那幾種走法，如今不過走出其中一款- 17500 2B向上，後市一係現價呢d位就到頂，跌番落17500；一係今日就同你試埋18050，咁樣HSI就有一定機率震住上試18400，甚至形成大圖17500雙底（又重燃見底的希望，但確實任重道遠，只能夠關關睇），所以日內交易而言，部署上，一係依家等現價開始出現跌set up就short，又或者等佢升上18050先再睇，會較有優勢
圖片來源：patreon@EDfattogether
