開荒牛 7年裸辭

開荒牛捱7年頂唔順裸辭 老細寧願請三個人頂都唔留

投資

廣告

一間初創公司能夠成功起動並生存下來,開國功臣一般都被認為是功不可沒,公司站穩陣腳之後,老細都不夠膽隨便亂炒這班開荒牛。不過日前就有網民指自己幫公司做開荒牛並捱過七年,豈料要辭職時老細竟然沒拿任何實際東西留他,反而請了三個新同事代替他的位置。

八爪魚身兼多職一腳踢

日前,有網民在FB專頁「奴工處」發文,指自己「做咗7年,幫公司開荒做開荒牛,好似隻八爪魚咁身兼多職一腳踢。」

樓主續指,「對住一班心理變態同事,重要成日畀人話做得唔好唔夠多,終於做到情緒崩潰頂唔順裸辭。」然而,老細卻只是口頭叫他留低,並沒有出動任何「實質嘅嘢」。

「最後公司決定請三個人返嚟頂我個位。重要新請返嚟其中一個人職位高grade過我。寧願請多幾個同請個高grade嘅都唔願意拎嘢出嚟留我。發現自己一直都係被上司壓榨,真係痴線公司。」

網民:頂咗七年 你自己都有責任

帖文一出,隨即引來網民熱烈討論,大部分都不同情樓主的遭遇,甚至揶揄樓主自己都有責任:

  • 「咁都做左7年,其實你都好有問題,可憐之人必有可恨之處,其實當事人都有本身的責任。」
  • 「做咗7年都睇唔通個老細乜料!」
  • 「做左7年先發現佢唔係好人,咁真係你都有問題。」
  • 「一個頂三個,頂咗七年,你自己都有責任啦。」

另外,亦有網民指老闆立心不良,一早等樓主自己辭職,有網民更叫樓主自己做老細:

  • 「其實無實質野黎留你,即係都唔係好想留你。」
  • 「老闆角度:等咁耐終於等到你自己話唔撈喇。」
  • 「打工講金唔講心,感情核突銀紙現實!早日抽離向好出發。」
  • 「唔識計數既老闆,好極有限,早走早著啦。」
  • 「有能力一個人做n個位,不如自己做老細。」
開荒牛 7年裸辭
(圖片來源:unsplash@dsamatkulov)

敵國破謀臣亡

亦有為數不少的網民引述歷史及其他經驗,指出開國功臣都是沒有好下場的:

「老闆唔志在請三個人的錢,他根本有能力多付薪金給樓主,但堅決不肯,原因可能是樓主在不滿現狀之時,多少有流露公司當初草創時自己有很大貢獻的心態甚至言語,老闆早欲除之,以後就可以名正言順說江山是自己一人打回來。」

  • 「你睇吓,歷史上皇帝點對幫佢打完江山嘅人?已請三個人嚟代替你,仲唔明?口頭叫你唔好走,戲已做足。」
  • 「敵國破跟住梗係謀臣亡!開國功臣就幾多個有好收場?」
  • 「開荒唔代表做得野,只代表出現得早……如果唔只老闆,連班同事都話你做得唔好,有無可能你真係越幫越忙啲fd?」

有冇同公司一齊升level?

亦有網民指出7年時間一間公司的規模可以爆炸性增長,關鍵是開荒牛有沒有跟上公司步伐:

「7 年時間,一間startup 可以由一個月10萬turnover 變 100萬甚至1000萬。公司升左level, 作為old seafood 有冇喺專業同能力上一齊升level ?係周身刀冇張利,還是可以獨當一面華麗轉身成為高層,老細其實心裏有數。」

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:unsplash@dsamatkulov