港男揭「私樓窮人」真相！直擊全家捱平民餐慘過住公屋：香港買樓得返低潮！
網民揭「私樓窮人」怪現象
日前有網民於討論區發文，直指香港出現「私樓窮人」的怪現象，形容現時私樓業主正經歷供樓窮日子，並非「鐘意魚蛋，搭地鐵睇風景之類」的節儉生活，而是真正的「窮」！
樓主發文問道：「你地身邊有冇私樓／豪宅窮人？」引來大批意見留言。樓主表示，香港有一班人居住私樓或豪宅，但「真係好窮」，具體例好包括：仔女讀普通學校、食平民餐，一家甚少花錢去旅行，有部份更加「連補習都唔捨得洗錢」。
意思指該批私樓業主只是表面風光，為了供樓不惜犧牲自己和家人的生活質素，連名牌也不買，最終令私樓生活跟「公屋仔」無異，揚言這班父母為了供樓，可能連仔女的零用錢也付不起。
樓主更形容，這班業主實際是「住緊大啲屋嘅窮人」，又聲稱自己見識過這類家庭的仔女長大後，「一係一齊照住間私樓，一係自己排公屋搵食。」
以往這類帖文一復會引來大量極端意見，不過，樓市逆轉，反而有網民番言直認自己就是這班「住緊大啲屋嘅窮人」：
私樓過來人：「我明你講乜，我就係依種人：住私樓，但係只有一層自住，雙親健在都退休無收入，食退休金，無買保險，好驚出大事，所以唔敢洗錢。」
亦有網民反問：「跟住仔女大咗，有埋合適對象，父母幫手畀首期或者送層樓畀佢地，咁樣叫唔叫窮？」
面對正反兩面意見，樓主回覆表示：「呢啲私樓窮人，其實啲仔女仲慘過公屋仔，起碼公屋仔隔離左右，都係差唔多丫。」
又重申，如果住私樓但財政拮据，隔離鄰舍會「睇你唔起」：「以為你中六合彩先住到，冇料到。」
網民：夾心階層先係最慘！
- 「朝早去街市買餸，平時買減價貨，仲要人工啱啱夠！」
- 「唔追求物質等於窮？」
- 「夾心階層先係最慘！」
- 「有個同事，有層私樓，但老豆老母同住，返緊萬幾蚊。」
- 「300萬又係私樓，3000萬都係私樓，大把當年後生好辛苦買落。」
- 「而家一個月人工都仲可能得萬幾兩萬，生活同公屋無分別啦。」
- 「啲同事聽到會覺得我唔憂做，實情樓就得自住呢一層，除此以外乜都冇！」
- 「兩老積蓄加埋都唔知有冇十萬！就算有日父母百年歸老，我對上都仲有大佬，層樓輪都輪唔到我。」
- 「唔係講要人幫就係靠人，而係世間上好多時，就係要集合一代人嘅努力先可以推到家族中一個人出黎，由佢帶起晒其他人。」
- 「住私樓就係私樓，點都唔會同公屋仔一樣？」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
