點樣做到財務自由 先增值後現金流

投資

廣告

問 1:

老師,我想問財務自由的問題。

當我長線投資,做到每月部份收入靠股票利息時,多年後,當需要大量資金,需要賣出股票,咁我咪變得持有量越來越少,收息亦同樣地減少。財務自由目標又要重新起步?

龔成老師:

我地進行人生理財,會以人生階段「先增值,後現金流」作策略,如果你仍年輕,其實應集中在累積財富,反而進求現金流不是重點。

當你累積了一定的財富,到了追求現金流的時期,可進行資產配置(這個過程可長達數年),這是將原有較為增值類的股,轉到收息類中,這刻的現金流會大幅上升,從而獲得財務自由。(對照龔成信箱Q3489)

問 2:

Hi 成哥,想問你8008長線值唔值得?

龔成老師:

新意網集團(8008)本質不錯的,佢做數據中心、設施管理、網上應用及增值服務,系統之安裝及保養服務,過去的業務都好穩定,而且盈利每年保持在$5億、$6億,基本上好穩定。

不過,近一年股價升左好多,佢市盈率去到30倍以上,相信市場考慮到業務上的增長,雖然我不敢看輕行業上的增長,但現時估值不平,現價的值博率只屬一般。但若你之前已買,長線投資無問題。(對照龔成信箱Q3484)

問 3:

阿Sir 真係有野想問,我依家持有一定數量既優質股,但眼光大市升左唔少,亦都覺會有一日到牛三賣出既時侯,但總覺得自己對賣出時機唔太熟悉,我應否就算大跌市,都只買入而唔賣出操作?以防止自己賣錯資產買唔返?

再追問 雖然現價會貴,但除返開既平均價依然在合理價範圍,會有值博的空間嗎,例如我月供1211平均價$52.45 但現價已大概$80左右 雖然月供後有機會拉升平均價至$60但依然處合理價,但若買了機會成本好像會增加了,應如何操作?供定唔供住?

龔成老師:

呢個問題要講可以講好耐。

簡單講,我地以「資產」為財富單位,不是「現金」,所以不會急於賣出,就算股價短期有上落,但只要長期上升,都可以一直持有。

當狂熱期出現,我地應該已持有一定數目的優質股,這是會用「賣多於買」作策略,但是否賣晒呢?這就未必,因為優質股有可能賣左買唔翻,所以,最好用分段賣出。亦可以用評估大市有多熱,價格與價值的偏離程度,從而決定賣甚麼,賣多少。

至於月供部分,如果是好長期月供,就可以考慮一直供,當是一個儲資產的模式,但面對較過熱的股票,有可能會暫時調低每月供款金額。(對照龔成信箱Q3485)

問 4:

龔 sir, 我個倉現時持有以下股票作長線投資,1829,6823,1211,12 組合有無問題呢?

另外,亦月供3,823,66,各2000,資金其實仲有,但擔心最近個市升得太多,等跌下來才將剩餘資金投放現有或其他股票。

我月供823,本想供778,可惜無得揀,如果一手手買778,會否類別太相近,導致風險集中左 d 呢?

另外,當打算長線持有時,買入價點決定呢?我經常因為差1,2毫而錯失買入機會。求指教!!

龔成老師:

現時你持有的股票無乜問題,可以繼續持有。月供股票只要是長期進行,其實可以繼續供,因為長期能將價格平均,更何況,大市在28000點,其實未算貴,未到狂熱期。

另外,同一行業,最好佔你的股票組合,不要超過3成,這就無問題。

入市時差少少,可以不理。(對照龔成信箱Q3487)

問 6:

龔大哥。有興趣長線投資教育版塊,我認為要改善貧窮,定必由教育做起,再加上有國家政策支持,長線睇好,想你比 d 寶貴意見!

如值得的話,1317 or 1569 較高潛質,睇 ROE 和負債率,個人認為1317 比較好,不過最近已炒上9.25, 值得小注博下嗎

龔成老師:

楓葉教育(1317)主要係中國經營國際學校,中國及加拿大有認證,所以有一定市場。同時相信這市場有潛力。

佢生意保持增長,而且賺錢能力不錯,加上盈利保持增長,初步睇有質素,但行業較為特別,可能要仔細分析才能具體下結論。

這股市盈率處30倍以上,不算便宜,行業較特別,投資不宜太大注。

民生教育(1569)上市不久,我不懂分析,因為可評估的數據太少,同時上市前的數據,較易「修飾」的,所以我不懂。(對照龔成信箱Q3488)

多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。

另外,由於提問人數眾多,見諒無法即日回覆,如果是普通的提問,預起碼要3天以上才能回覆,若然是較複雜的提問,起碼要7天才能回覆,希望各位能諒解。

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:https://www.facebook.com/80shing

個人網站:https://80shing.skx.io/

延伸閱讀:

2018年牛氣沖天 恒指再創十年新高

點樣做到財務自由 先增值後現金流