日出康城街坊怨「樓下有條蛇」憂地產商擺陣破財：唔明呢間公司點生存？

日出康城樓下有蛇？

日前，有日出康城居民上載相片，從相片所見，該名民居於單位俯視地下，並拍下鳥瞰照片:「其實個條蛇型嘅橋？？ 係港鐵邊個部門諗出黎？ 我只想要個比小朋友多d空間嘅公園 , 等到小朋友都大個， 都等唔到。」

居民對於港鐵進行基建進度不感滿意，裙文亦引來區內住客留言贊同：「根本港鐵就係專登拖，其實嗰度係用作臨時地盤，如果要起，幾期屋苑都起晒出嚟，我睇住佢整咗六年，仲係一個地盤！」

• 「喺上邊跌倒一路跣到底，咁就夠晒動感！」
• 「嗰條蛇有乜用呢？破風水？」
• 「我驚13期完工，公園都未搞掂。」
• 「覺同日出公園一樣，無實用設施。」
• 「以前我喺呢間公司做， 睇住對面座樓由一樓起到人哋入夥，我都仲做緊個公園仔， 跟住我都做到頂唔順，走咗幾年依家仲做緊？ 真係唔明呢間公司點生存？」
• 「天橋底星期日變姐姐訓地下場。」
• 「應該起多個商場再响商場頂做公園，康城個商場根本唔夠康城人用。」
• 「長江風水嚟。」
• 「本身起吓籃球場仲好。依家得條蛇，個公園入面得幾張椅。」

有街坊解釋：「大家誤會了：橋，要有斜度。換了直斜坡，人就會玩滑板，單車。所以，改用彎道。自然減速。否則，又會加柱。不過，這地方原設在是足球場。足球場下是很多大型喉管。維修時，可鑽起球場。」

延伸閱讀：元朗洪水橋「鬼故街」一頭痛就知瀨嘢！街坊慨嘆：幾猛都敵唔過地產商

延伸閱讀：上海街邊股神疑「輸壞腦」預言A股14,600點、3大撈底指標！秒吸200萬點擊！