油麻地「棺材劏房」$2,700放租 睡床連馬桶賺到盡：點解業主咁喪心病狂

油麻地「棺材劏房」震驚網民

數日前，該廣告刊登於「FB@免佣出租套房」群組，相中介紹單位來自油麻地華德大廈，聲稱免佣金出租，開價$2700。

據廣告表示，單位距離油麻地港鐵站約半分鐘，大廈提供平地升降機，單位設有冷氣、窗帘、熱水爐，更形容「麻雀雖小，五臟俱全」，歡迎有意承租者留言查詢。

帖文刊登了4張單位室內照片，然而，不少網民直指業主設計非常「無人性」，原因是劏房空間固然狹窄，但睡床竟然跟坐廁和沖涼間放在一起，令人懷疑根本是劏出洗手間收租。

網民點睇？

• 「錢唔係咁賺嘅，麻煩業主自己去住返」
• 「改得出呢啲單位都唔會有良心架啦。」
• 「租個厠所，乜都唔放得。」
• 「麻雀雖小五臟俱全……..咁樣都寫得出。」
• 「根本一個廁所嚟！」
• 「業主無良，喪心病狂。」
• 「冇地方擺衫褲鞋襪。」
• 「幾時開始監倉生活化到咁。」

劏房概括定義為：分間單位、板間房、床位、閣仔、天台建築物、臨屋及寮屋。

參考統計處數據，統計處發表報告顯示，2021 年全港有超過21 萬人住在劏房，當中以女性較多；同年全港有近19 萬名獨居長者，佔整體人口13.6%，其中女性佔多數。 單親人口的性別比例尤為懸殊，2021 年有5.6 萬單親媽媽，單親爸爸人數則為1.6 萬。

延伸閱讀：美斯缺席淪「美欺」！班主碧咸、贊助商中槍！幕後攪手公司竟是富豪玩具

延伸閱讀：新光戲院被「有米教會」7.5億收購作新會址 儲足8年錢決定出手：神的宗旨