租樓傳說│「5樓以下不宜人類居住」朋友死諫：廁所倒灌＋預咗成世戴耳塞！

租樓傳說：低層單位問題多？

網民於社交平台群組「[香港]租樓/買樓討論區」發文，指自己最近睇過一個舊樓單位，不過其朋友表示「5樓屬於低層」，會比較多蛇蟲鼠蟻、甚至廁所渠有機會倒灌，還有樓下嘈音等問題。

對於租樓「初哥」來說，該位朋友所指5樓以下不宜租住的言論是否成立？上述問題是否必定出現呢？

有過來人認為，很多大型屋苑的低層單位都非常好住，甚至「打風、火燭都唔驚」，萬一升降機壞了，居住低層還可以行樓梯解決出入問題。

亦有居於二樓網民表示「根本冇呢回事」，雖然很多人都這樣認為低層壞處較多，但實際上未有太多問題，直指「人地個度未必係你個度」，自己已經住了十幾年從未遇過上述問題。

網民點睇？

• 「覺得低層有安全感，打風都唔驚！」
• 「住過2F，廚房廁所經常有異味，樓下老鼠入過屋，吵係一定，不過關窗訓都無大礙。」
• 「倒灌高低都會, 但底層經常有聽！」
• 「你個咩朋友，佢住開邊度？？？ 我成細人都係住低層，而家住緊一樓，嘈係會嘅，因為對住馬路，所以要戴耳塞訓覺！」
• 「之前住嘅一樓因為向內街，所以無問題。」
• 「曾經住四樓，空氣差，但唔算嘈。反而住大街就十樓都好嘈，巴士經過好似震咁。」
• 「有蛇蟲鼠蟻你唔關樓層低嘅事，係自己個人衛生或者附近鄰居嘅問題。」
• 「咁多年未試過倒灌，有養貓裝窗網，冇蛇蟲鼠蟻。」

延伸閱讀：元朗村屋256萬拍賣！全幢千呎連天台「特濃鄉土風情味」：平，一定有原因！

延伸閱讀：內地客裝修「隊穿牆」！擅拆主力牆、裂痕直撲21樓 全體240名民居緊急疏散！