公屋二派順天邨月租$2,040 港媽未心足想轉區：為我哋一家祈禱好嗎？

公屋二派順天邨

有網民認為難得派到市區，建議港媽「見好就收」，同時有人揶揄：「應該派美孚新邨俾你」！

近日港媽在facebook群組「香港公營房屋討論區(FB版)」發文，指收到公屋第2次分配結果，從港媽上載的圖片可見，今次獲派順天邨天瑤樓的中層單位，月租2040元。

該港媽還透露，公屋首派彩雲二邨，由於家人身體問題而拒絕，「行唔到斜路，當日已經行到痛」。

公屋輪候多時，再次獲得編配本應開心，但港媽表示「喊出嚟」。該港媽擔心就讀中一的小朋友需要跨區到葵涌邨上學，於是向廣大網友求助，「我係咪應該申請轉區穩陣啲？各位比啲意見，為我地一家祈禱好嗎？」

網民揶揄：應該派美孚新邨俾你！

貼文一出，引來不少網民熱議。有人表示首兩派都是不錯的選擇，建議港媽「見好就收」：

• 「樓主你人生已經好過好多人，見好就收呢，仲要九龍區」
• 「難得有市區，交通方便你又唔要？」
• 「順天好啊，交通方便，住得又舒服」，
• 「你揀市區派九龍咪好囉，三派來個港島小西灣或柴灣」。
• 「其實舊樓好過新樓呀，大啲又易間房，而家新樓啲用料每況越下，而且新樓配套又未必最完善」

有網民揶揄，「應該派美孚新邨（私人屋苑）俾你」、「人哋根本就想派地鐵站上面啲新公屋，根本就唔願意住啲舊公屋」。

很多網民質問樓主當初為何選擇輪候市區公屋，「好好奇，揀市區但又想近小朋友學校，咁其實你想派邊度？」、「你揀市區咁點派葵涌吖？」港媽解釋道，「諗住佢（孩子）入到市區學校嘛。」

不少網民認為，做決定還是視乎港媽緊張層樓，還是緊張小朋友讀書的學校，「你可以為咗間公屋而轉校，又或者為咗學校而唔要間公屋。」

網民：大把葵涌公屋等你

有網民支持港媽轉區，表示「擴展有象山，麗瑤，等等大把葵涌等你啊。」，另一邊廂，網民不同意港媽更改公屋輪候地區，擔心最後因小失大。

• 「你可以轉區，但擴展亦包括埋沙田、東涌呢啲地區，最後真係派得返荃葵青區？祝你好運。」
• 「葵涌區你想葵芳葵興？唔好忘記仲有石籬石蔭行到你PK，石圍角、象山又山旮旯。」
• 「中一跨區返學都無所謂啦。」

亦有人認為小朋友轉校是最好的安排。

• 「返學返幾年都轉校㗎啦！住屋住一世，除非你發咗達買樓嘅啫」
• 「宜家轉校容易好多啦，好多學校收生不足」；
• 「小朋友而家讀嘅學校好好㗎 如果唔係嘅話不如安排佢轉校啦 始終出面多啲好學校揀」

順天邨41年樓齡

根據房屋署資料，港媽獲派的順天邨於1981年入伙，全邨11座，樓宇類型為雙「I」型、相連長型第一款、舊長型、雙塔型。截至2022年6月30日，租住單位數目為7000，而住戶數目則為6800。

港媽首派的彩雲二邨於1978年入伙，共有5座。樓宇類型是雙工字型、雙塔式，截止2022年6月30日，租住單位數目為3000，住戶數目為2900。

延伸閱讀：伯南克的「潘朵拉盒子」 無限印錢累通脹反噬全世界：元凶定功臣？｜徐風

延伸閱讀：股樓初哥800萬跌市博撈底、200萬首期買美孚兼結婚：仲靠儲蓄就死得！