香港樓市

出價唔創新高買唔到樓 你會同人鬥價搶樓嗎 | 香港樓市2018

樓市

廣告

【香港樓市2018】你會同人鬥價搶樓嗎?香港樓市今時今日樓價唔創新高買唔到樓!但1%Anthony有另一看法。

撰文:1%Anthony | 圖片:新傳媒資料室

唔創新高,買唔到樓?

代理: 「呢個單位幾開揚丫,又有裝修,啱晒你啦。」
朋友: 「啱係啱,但係價錢真係好貴喎。」
代理: 「唔貴架啦,新界上車盤都賣到萬七、八蚊呎啦。」
朋友: 「睇番之前成交都冇咁貴,呢個價…創新高喎!」
代理: 「創新高好正常啫!」
朋友: 「正常?」
代理: 「而家個市咁熱,唔創新高,買唔到嘢架喎!」
朋友: 「唔係嘛?」
代理: 「好似隔離XX花園,我都要幫個客追價先買到。」
朋友: 「點樣追價?」
代理: 「業主開420萬,又賣又唔賣,追到430萬先買到。」

朋友: 「嘩!仲貴過開價?」
代理: 「係呀,今時今日唔反價都算係咁架啦。」
朋友: 「俾啲時間我諗諗…」
代理: 「仲諗?幾枱客傾緊,而家唔買,遲啲仲貴呀!」

以上是朋友分享他最近的睇樓經歷。

香港樓市真係好貴

朋友最後都冇買,因為覺得真係好貴,亦覺得創新高好唔舒服。

最近市場的確很亢奮,很不理智,尤其細價樓市場,原本200萬、300萬,200、300呎的單位,賣到450萬以上,已經升穿了9成按揭的門檻,失去了細價樓的意義,但買家仍然繼續追價!沒辦法,政府政策令個個業主都唔想賣樓,二手缺盤,代理亦自然捨難取易,說買家追價易,說業主減價難,買家普遍都要捱打。

今時今日,唔創新高,買唔到樓!
如果要創新高,點解要搵你呢?不如上網買啦!

是的,筆者試過這樣回應!

作為一個物業投資者,必須要知價,必須要低買高賣,才能賺錢。所以筆者不願意在市場亢奮的時候,走去跟人搶高價,去創新高。

買買賣賣十多年,交易逾百宗,再加上投資兵團戰友的經驗,我們早已建立了一個很強大的代理網絡,買樓的時候,不少相熟代理也願意為我們去拼,Keep住買到筍盤。當然我們俾佣金亦疏爽,不會講價。

說實話,搵代理幫手買樓,俾得佣金,自然就期望可以買到個好價錢,如果要創新高,何不自己上網搵盤?直接跟業主買?

市場亢奮買家追價

今時今日市場亢奮,說買家追價,易過說業主減價!

筆者明白大部份代理都係打份工,做到成交就可以了,自然會捨難取易。但總有些代理願意幫你拼,然而這就要看你如何揀選代理,如何與代理保持良好關係,往後有機會再詳談。

最近筆者都買到一個比最近成交價平超過一成的單位,雖然比以前少,以前好多時都能殺價兩成,今日市場咁熱,平一成多也算不錯了。總有真心想急賣樓的業主,問題是你是否能找到他。

如果要創新高,點解一定要而家買?

最近很多朋友網友問買樓,問的人很多都是從沒想過買樓的,唔知做乜鬼湧晒出來,既然這刻市場那麼亢奮,為甚麼要這段時間去爭呢?每年都會有旺市、有靜市,筆者習慣靜市才入貨。就算買唔到都唔緊要,因為筆者有其他的選擇,香港以外,筆者與戰友們最喜歡買大陸樓。

住宅以外,筆者與戰友們最拼命的是工廈。那裡回報高就會留意那個範疇,最重要是有選擇。一般買家只看香港住宅,沒有認真學習其他的投資法門,所以就沒有選擇,唯有創新高去買樓,很多傳統的思維已經用唔着,2018年…要開闊眼界,否則就只有繼續盲目高追了!

作者為1%投資培訓的地產課程總監,著有《買樓上車防中伏》、《上車又住又賺》、《樓。轉命運》、《工商舖小本投資入門》、《50 萬上車》、《投資買樓賺錢筆記》等等,其博客《第一桶金》總瀏覽量逾300萬人次,曾接受多間傳媒專訪及出任電台地產節目嘉賓主持,並擔任TVB節目「有樓萬事足」顧問。2000年科網股爆破,曾欠下近一年薪金卡數。經債務重組後,2004年股樓雙線出擊,短短四年由滿身卡數打工仔,變出六層樓。其後與投資兵團大舉出擊投資物業,並進軍商鋪、工廈市場,以穩健投資策略,成功變出雙位數物業。

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看