大好友去年買新屋招呼「無殼」朋友！被問驚唔驚樓價跌：唔怕負資產咩？
業主心聲：樓價係跌咗，但無特別感覺
樓主帖文表示：我上年年尾買咗，樓價係跌咗，但無乜特別感覺，每日住得好開心。得閒又叫班fd嚟聚吓，始終自己地方會多啲心思去佈置裝修。」
樓主指出，身邊無買樓的朋友「日日係到講跌跌跌」，又指報紙誇大大幅蝕讓成交，彷彿身邊無買樓的人比自己更關人樓價。
樓主揚言：「我日日住得好開心，又供得起，咁其實有咩問題？笑人果班人望吓自己股票倉再講！」
- 「2021年年尾都高，係2022年中之後先合理少少。都係嗰句，自住供得起有咩所謂，唔通蝕住放盤出去租樓咩？咁咪輸得更多！」
- 「身邊無買樓果啲唔抵得你買到樓，所以就日日係到講跌跌跌，令自己心理上好過啲。」
- 「係，我朋友買咗幾球媒氣同騰訊，都係咁講。」
- 「2020年買，月供人工1/4。」
- 「冇買，揸住cash不知爽過買左負住百幾萬資產幾多。」
- 「呢個世界無話賺曬，租係平過供，但係交租筆錢你一蚊都拎唔番。」
- 「供得起又唔使煩老咗住邊，供會有完嘅一日，又可以做安老按揭做長糧。」
- 「一買就負資產喎，想賣都賣唔到！」
- 「摸咗頂，唔處之泰然，仲有咩好做？」
- 「我賣咗樓仲處之泰然過你啦！錢又賺咗住又賺咗，而家租緊新樓玩下會所又一日。」
中原CCL：新春後重上160點
參考中原地產數據，中原城市領先指數CCL最新報158.23點，按周升0.64%，單周升幅為2022年10月(近14周)以來最大。
中原地產研究部高級聯席董事黃良昇指出，隨著去年12月初開始，政府逐步放寬防疫措施，香港邁向復常，CCL連升3周共1.19%，是2022年1月後再現。確認樓價已經見底回穩，CCL擺脫3周前156.37點低位，展望新春後重上160點水平。
中原城市大型屋苑領先指數CCL Mass報158.34點，按周升0.78%，升幅為2022年6月以來最大，連升3周共1.61%。CCL(中小型單位)報156.58點，按周升0.77%，升幅為2022年6月以來最大，連升3周共1.44%。CCL(大型單位)報166.37點，按周升0.10%，近3周計累升0.15%。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
