村屋 人生贏家

連登仔村屋「勝利宣言」、月租8,000蚊連免費車位:好過做私樓奴隸!

樓市

廣告

香港私樓出名貴。若租樓想住大少少,又唔想捱貴租,不少香港人都會放棄傳統住宅,轉戰村屋。有網民在討論區表示,村屋價廉物美。不但面積比屋苑大幾倍,如果住村屋三樓連天台,更加是「人生贏家」。

村屋 人生贏家
(圖片來源:政府新聞處)

連登仔:住村屋係大贏家

香港村屋大多數樓高3層,地下連花園方便老人家出入,部分更提供空地泊車;直至追求生活空間的話,則傾向選擇2樓連天台,擁有更多私人空間,天台部分亦可用作儲物或閒時大宴親朋。

有自稱住村屋網民表示,其村屋生活方便平日種菜、晾衫曬被,同時天台屬於私人聚會空間,「BBQ又得,放部大電視打機又得」。

網民補充,除了打風落雨日子比較麻煩,一般要需要預早準備遮風擋雨功夫,「只要唔係打8號(風球)基本上冇嘢驚」。又認為,即使四周比較多昆蟲入屋,只要做好除蟲工作就無問題。

值得留意的是,網民推舉村屋生活是原因是可以「無限洗車」,而且參考身邊住村屋朋友可以夜夜笙歌,「諗唔明點解仲要住屋苑?」他又舉例,假如村屋、私樓同樣月租13,000元,最終居住面積就是400呎和1400呎的差別。

村屋 人生贏家
(圖片來源:連登討論區截圖)

圍村人免費泊車

貼文一出,即引起網民熱議。不少村屋支持者認為,大部分村屋都遠離鬧市,有避世的感覺,亦有網民覺得,住村屋朋友的生活特別寫意。

  • 「識個fd係南大嶼租村屋自己住,佢本身份工有電腦跟身就得,日日work from home。」
  • 「仲要有車渣,唔洗泊車錢,係渣出市區油錢貴d ,好chill。」
  • 「讀書有fd圍村人,以前假期去佢到bbq打機。1樓2間麻雀房。」
  • 「有個同事又係圍村人,兄弟一人一層,有層出租,車位又唔駛錢。」

村屋車位任泊無得輸

事實上,香港地租樓貴,月租一萬元以下的租盤更加近乎「絕種」,因此有住村屋的網友表示,租村屋性價比始終贏的私樓幾條街,原因就在於一個「錢」字。

  • 「自己住一樓,8000多元租,已經包免費泊車!」
  • 「車位任泊,唔好阻到條大路就得。」
  • 「條村鋪咗光纖,用緊1000M,打機順,唔會爆。全屋有蚊網,但唔會隔得哂所有蟲,不過唔算多蟲。有時行雷會跳掣,啪返就ok,未試過停電。」
  • 「我反而推薦大帽山個頭村屋,去九龍新界都好方便,附近環境又清靜。不過前提係一定要有車,反正免費泊車。」
  • 「地下係飯廳同客廳,仲有工人房,花園種花同BBQ。」
  • 「一樓係休息廳同房間,二樓多數係一個或兩個套房連衣帽間,天台用嚟曬衫種花。」
村屋 人生贏家
(圖片來源:政府新聞處)

村屋電費幾何級上升

話雖如此,有網友提醒,伋如天氣不似預期,例如夏天打風落雨,新界地區容易出現水浸,影響出入,認為住村屋並非一面倒「有好無壞」。

相比私樓的話,無論日常配套、保安、方便程度都遠勝村屋,而且私樓普遍提供會所,這方面絕對完勝村屋。

交通不便一直都是村屋「硬傷」,有網民表示就算有車,日常出入都不方便,部分小路夜晚無街燈好危險;亦有意見認為,住村屋天台天台長期「乾曬」,每逢夏天電費都會幾何級上升,最終得不償失!

  • 「住村屋會很麻煩!每逢落雨返屋企路就長期水浸!」
  • 「長期曬住個天台,個種熱力,真係痴線!」
  • 「住村屋2樓連天台,夏天開盡個冷氣都咁大鑊!」
  • 「你睇吓夏天張電費單先啦!」
  • 「有揸車好啲,要搭巴士就不了,錦田八鄉嗰班朝頭早。」
  • 「交通始終都係最大問題。就算有錢買車、屋企有得泊,返工無得泊都無用,揸去西鐵站再逼地鐵返工好蠢。」
村屋 人生贏家
(圖片來源:政府新聞網)

村屋入手注意事項

在香港租村屋固然吸引,不過想入場做村屋業主亦要留意以下事項:

大多數村屋呎價較傳統私樓便宜。但市場上村屋交投量相對較低。銀行也很難有更多的數據作為估值參考。

此外亦要留意,村屋附近的道路使用權、斜坡等因素會影響估值,並可能增加法律費用。

由於村屋大多處於遠離市區,人煙稀少的區域,因此亦要考慮保安問題。

近日,元朗八鄉村屋就有戶主深夜離開村屋不到一個小時被撬窗爆竊,據報,事主損失大約440萬元,當中包括一隻200萬元的限量版Richard Mille手錶。

延伸閱讀:商台《早霸王》涉侮辱說話嘲居屋業主 森美:純粹「食字」,會檢討!

獨家!8月內透過經濟一週成功申請 WeLend貸款 額外送HK$400獎賞

獎賞總值高達HK$12,400 立即申請!

WeLend A.I.級簡便即日貸款,實際年利率低至1.18%(包括WeLend現金獎$12,000)。大家只需要提供提款卡和身份證即可申請,毋須入息證明和住址證明。網上申請貸款即時過數,即日完成。由即日起至8月31日,大家透過經濟一週成功申請,可額外獲HK$400獎賞,獎賞總值高達HK$12,400!

圖片來源:政府新聞網、連登討論區截圖