私樓

網民票選「最有暴發戶味」私樓|西九皇宮式豪宅大熱 附當年尷尬廣告對白

樓市

廣告

近年新樓改名充滿創意,曾有人羅列出香港不同的千奇百怪樓盤名,而最近網上有網民票選「最有暴發戶味」的私樓屋苑名稱,吸引眾人討論。當中不少常見私樓均榜上有名,其中更有屋苑被戲稱「起到皇宮氣派但對住公屋」。

豪宅帝峰・皇殿榮登榜首

日前連登討論區上,有網民以「全港『最有暴發戶陣味』私樓」為題出帖文討論,表示帝峰・皇殿最有「暴發戶味」,更稱「點洗都洗唔甩陣土豪味」。

該名網民又引用內地代理的宣傳文章,指出若有內地代理為某個樓盤宣傳,該樓盤一定有「土豪味」。

內地代理宣傳文章節錄:「帝峰·皇殿,不僅擁有奧運站和旺角站兩站三線的便利交通,還擁有奧運豪宅群中最低的入門門檻,開放式戶型實用301尺,700萬以內的價格就可以買到,70萬首付+印花稅便可上車,通過錨定資產再不斷一步步換大房子,實現在香港安家置業」。

私樓 有網民在討論區討論最有暴發戶味的私樓。
有網民在討論區討論最有暴發戶味的私樓。(圖片來源:連登討論區截圖)

網民Mean爆:起到皇宮氣派咁但對住公屋

多位網民留言表示十分認同,指出帝峰・皇殿「最有暴發戶味」,更直言名稱「極尷尬」:

  • 名又X,位置又垃圾,起到皇宮氣派咁但對住公屋。
  • 次次經過都覺得,俗到入便全部大陸佬住
  • 呢個屋苑我只係諗起佢個廣告配音嗰把麻甩佬高潮聲
  • 又唔是係山,唔係高人一截,點解叫自己係峰?
  • 隸瘋 · 蝗殿。
  • The hermitage – 冬宮。名字不祥。
  • 10幾年依棟野開售時喺售樓處做part time,見証中國人買香港既瘋狂。

多區均有屋苑上榜

除了帝峰・皇殿之外,多個屋苑均有上榜,包括荃灣海之戀及觀塘觀月·樺峯等亦被網民揶喻:

  • 一定係灣西/愛炫美,個名講到明係鍾意晒野。
  • 海之戀·愛炫美,打哂冷震。
  • 觀月·樺峯,個名懶係有格調,但都係成陣X味。
  • 港灣豪庭,有幾豪阿,睇過。
  • 前排入開大埔,見到寶鄉橋附近果度有度叫"富.盈門",個名真係酒樓級數。
  • 康城全是泡沫。
  • 半山一號,搭𨋢落街就係土瓜灣靠背壟道殘舊不堪,呢D所謂豪宅,大陸人先會買。
私樓 兩公婆月入11萬 可做員工按揭借1,000萬 港島半山、廣東道、荃灣區三個單位邊個好?|諗Sir
亦有網民表示海之戀是另一個最有暴發戶味的私樓。(圖片來源:新傳媒編輯部)

另有網民諷刺:個POST成陣酸味

另有網民留言諷刺其他人,指即使大家選出「最有暴發戶味」私樓,但其實自己根本「住不起」,只能葡萄別人:

  • 笑緊啲人,有幾多係住得起?
  • 新樓又話納米,大單位又話開廚,半新樓又話遠,到係旺角又話屋企樓下多人訓街,九龍站上蓋又話多蝗,將軍澳又多垃圾,觀塘又話窮,現實成班分分鐘住緊公屋,房署派新田圍邨澤安邨都搶住要。
  • 淨係知依個POST成陣酸味。
  • 比三千蚊租公屋就最好啦。

帝峰.皇殿本月暫錄得1宗租賃成交

排榜首的帝峰.皇殿本月暫錄得約1宗租賃成交。利嘉閣市務經理劉信仁指,奧運站帝峰.皇殿7座高層C室單位,面積約758方呎,三房套間隔最近獲承租。

單位最初以每月3.5萬放租,及後因應市況下調叫租價,累計減約5千元後,以約3萬租出,呎租平均約39.6元。

延伸閱讀:買日出康城LP10大呻中伏!網民求明燈指引:應該撻訂定做負資產?

延伸閱讀:代理噩耗|中原施永青認「養唔到咁多人」、否認裁員1成:今年得兩個月賺錢

立即加入經一Patreon共肥計劃

每日只需~$2.5 大量文章無限重溫

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

常見問題

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看

圖片來源:連登討論區截圖、政府新聞處、中新社