【居屋2020】網民大呻抽居屋等於「抽完六合彩再玩過三關」 但單人申請中第10個號碼都有機？
撰文：經一編輯部｜圖片：政府新聞網、中新社
早前，房委會為居屋計劃2020及白居二計劃2020進行攪珠儀式，決定申請者按其申請編號最後兩個數字，而定出的買樓先後次序。結果出爐後，有不少網民分別於連登討論區開post，熱議居屋攪珠和今期的居屋項目。
更多：居屋攪珠結果出爐｜頭10個號碼中獎號碼＋完整攪珠結果 新居屋料明年6月揀樓
樓主：號碼排第二行，有機會買居屋？
有人以「第一次抽居屋求指教」為題發文，表示自己以單人身分抽居屋，號碼為23，排在今次攪珠結果的第二排，未知是否有機會買居屋。有網民見到樓主的貼文後，紛紛表示他成功買居屋的機會微乎其微。
- 「正常就可以唔洗諗啦，以往單人要頭一個No.先有機」
- 「第一排得後啲都未必有啦，仲第二（排）」
- 「要頭一個number入面嘅頭三分之一嘅人先有得揀」
更有網民指，依照抽居屋順序排位，樓主的位置，若以家庭申請者抽居屋幾乎都抽不到，更何況是單人申請者；亦有網民分享過往抽居屋的經驗，坦言過往抽居屋沒有現時難，但單人申請者若非「頭珠」，基本上沒有機會買居屋。
「我13年抽貨尾居屋，都特登同女朋友註冊先。因為知道單人除非頭珠，基本上無機會。我記得當年800個單位都係三萬份表爭，無今時今日咁激烈，頭珠單人都排到六百幾七百，仲要得唔係好多個。」
網民以「六合彩」形容抽居屋
又有網民以六合彩形容「抽居屋」機制，中籤後要過三關才獲得選購資格，抽中第一個號碼亦不等於買到居屋；甚至有網民笑言要多做善事，才會獲得中頭籤機會。
- 「你都唔算慘，抽第一 但無得揀樓先慘。」
- 「第一粒珠都會有機會收皮，抽完六合彩再玩過三關咁。」
- 「我都係今年扶多啲呀婆過馬路，下年再努力！」
- 「下次六合彩再見！」
- 「有㗎，唔好放棄希望，話唔定下年打仗，又或者有外星人侵略地球。大把人唔要，到時大單位都有得你買！」
今期居屋申請超額32倍 單人申請者抽中「頭珠」亦未必有認購資格
房委會今年接獲申請逾23萬份，超額近32倍。想透過抽中居屋「上車」變得越來越難。以單人申請者為例，無論是以白表或是綠表申請，他們的選購次序均在家有長者核心家庭、其他核心家庭申請者後。因此，即便一人申請者抽中「頭珠」，亦未必有認購資格。這令部分網民於討論區內探討為何居屋越來越難抽。
更多：【居屋申請2020懶人包】白表綠表申請費用與資格、資產限額 4大屋苑概覽
居屋由幾時開始咁難抽？
這幾天亦有網民以「居屋由幾時開始咁難抽？」為題開post，指記得董建華擔任行政長官的年代，有大量居屋沒有人抽，最後變成公屋。
有網民坦言，2000年初，不少人抽到居屋後，亦不會要。
- 「2003、2008、2012都係抽到冇人要。」
- 「老豆02、03年就抽到居屋，80萬就買到三房，都無人要。一層八伙，加埋我得兩戶係有人住。」
有人指，居屋越來越難抽的原因在於數量不足，更有人將矛頭指向2002年港府所推出穩定樓價的政策：結束居屋計劃，以及停售停建居屋；就算到2011年，時任特首曾蔭權宣布恢復興建居屋，香港房屋問題仍未得到舒緩。
- 「咪停起居屋個時開始囉！」
- 「係量嘅問題。睇返廿年前起幾多，今時今日起幾多？以前有新市鎮有好多供應，多到一年有兩期。今時今日，政府理得你死。」
- 「以前家有長者揀曬樓先到核心家庭嗰陣，加老人家就好易抽到。利申: 排九十幾號都買到大單位 (近六百呎)。」
- 「停建前成日有好多貨尾剩！」
網民點解話抽中粉嶺皇后山都唔想要？
雖說居屋難抽，但亦有網民認為上文所述的單人申請者仍有機會選購粉嶺皇后山的納米居屋單位，惟自己則不會考慮，部分網民更坦言：「有幾多人會要皇后山！不如留意下之前賣淨嘅單位好過！」
事實上，自從今期居屋詳情公布後，網民均討論粉嶺皇后山單位，皆因它的位置較偏僻，交通、生活配套不完善，加上大部分單位的實用面積偏細，即使入場門檻低，整體而言吸引力較同期其他居屋低。
雖然有網民彈，但有人卻開post，以「白表抽中粉嶺唔要果啲都係傻X嚟」為題，力撐粉嶺皇后山單位。該樓主坦言，皇后山單位最平4,400元一尺，價格便宜，每日坐的士出入都得，等夠3年便能以樓換樓。
樓主的發言獲部分網民支持，有人指出「邊個唔想買？ 要抽架。有得買實買 ，3年後轉手必賺。」更有網民坦言：「今次中到下次一定中？有得買唔買，到時（後悔），早知嗰時買啦！」
雖然如此，仍有許多網民「大彈」皇后山居屋單位，更揚言言抽中都「唔想要」。
- 「你實地視察就知，出火車站都半個鐘，巴士小巴又塞。」
- 「冇車唔好搞啦，好偏下！」
- 「嗰個X位得一條路出入，出番最近聯和墟食嘢坐車都要一段時間，真心抽中都唔要！」
- 「最怕係taxi都唔上嚟，一來一回賺你幾十蚊，油費都蝕埋。」
更多：粉嶺皇后山山麗苑首期低至5.9萬 新發展區生活配套或不足 位置偏僻前往港鐵站需半小時
