【揀樓大忌】裝修師傅都信有風水屋:「有啲屋苑特別多人死!」 揀錯屋全宅必惹大病?

【揀樓大忌】裝修師傅都信有風水屋:「有啲屋苑特別多人死!」 揀錯屋全宅必惹大病?

最近新盤選擇眾多,加上遇上綠置居揀樓日子,不少準買家都會著緊心儀單位座向、景觀以及入住後感覺如何,因此不時心大心細,期望揀到跟自己「Perfect match」的安樂窩。搵樓過程中,除了考慮樓盤價格、單位內櫳質素,有買家偏愛坐北向南,屋企能夠冬暖夏涼;亦有人偏向迷信,努力物色有利家庭風水的居所,希望利好健康、事業和財運等。

撰文:經一編輯部| 圖片:連登討論區截圖、Unsplash、中新社

五門歸心=五鬼拍門?

網上討論區有網民表示「做咗裝修咁多年,單位風水真係唔到我唔信」,樓主從事裝修行業多年,見盡不少奇則單位,有住戶搬屋後生活出現劇變,自己進入個別單位更會「周身唔聚財」。

樓主憶述,以往不少客人搬屋後會經歷生意失敗、身體有毛病或者性情大變,更指「有啲屋苑係特別多人死老公」,無獨有偶都是單親家庭。

對風水有興趣的網民問及「將廚廁對調係單純喜歡,定係因為風水?」,樓主憑其經驗解釋,廚廁對調會將洗衣機獨立去拉遠,中間經過鋅盆、洗手盆,洗衣機去水很容易回流,隔氣去水不順暢,嚴重更會「谷爆喉」。

萬一樓上單位廁所漏水,隨時「飯都無得煮」,又提醒不要亂改公屋單位:「屋宇署有機會叫你還原。」

有網民從事裝修行業多年,見盡不少奇則單位,住戶搬屋後生活出現劇變。
有網民從事裝修行業多年,見盡不少奇則單位,住戶搬屋後生活出現劇變。(圖片來源:連登討論區截圖)

有網民表示「『五門歸心』好難擺傢俬,想將廚房改開放式」,樓主認為,爐頭是財位,如果一開門見到爐頭會散財,更引起網民對單位間隔的看法:

  • 五門歸心,廚房係中間有問題
  • 而家好興整嘅閣樓同地台櫃,好唔聚財
  • 做設計果班完全唔理技術野
  • 單位明明新裝修都特別易殘,都係有問題
  • 假天花有濕氣對衞生健康唔好
  • 眼鏡房無屏風,出門前最好閂房門,可以擋一擋

「試過去朋友間屋幾粒鐘feel到唔係咁舒服,頭又有少少痛。」

提防公路「聲煞」

除了單位內在因素可能影響生活體驗,有網民提到,屋企對正高速公路會「有聲煞」,對住戶可能構成健康影響:

  • 通常一入屋你就知有聲煞
  • 超近距離對住F1跑道,近巴士站,個單位格局係有問題
  • 我剩係科學角度知道汽車多懸浮粒子
  • 今期鑽石山居屋對正條F1跑道
  • 唔駛睇風水都知賺梗

「如果你嘅視線係見到啲車,個感覺就好似時時刻刻都有車撞埋嚟咁,潛意識已經唔舒服、精神緊張。」

(圖片來源:中新社)
(圖片來源:中新社)

有人專買墳景樓

期間,不少網民繼續提出其他風水疑問,當中不少人比較關心居住環境對家庭和健康的潛在影響,坦言以後買樓要請驗樓師和風水師:

  • 深井風水係咪好差?
  • 唔少外國人住豪宅區,港島風水差極有限
  • 住水塘附近咁唔通好正?
  • 今年西南好風水
  • 主人房望山景,見到有墳墓,有無影響?
  • 有人專買墳景樓,寓意升官發財
  • 凶宅係咪陰風陣陣?

「以前試過帶阿女睇樓,結果試過去到一間屋,一出升降機已經狂喊,喊到七彩。佢連屋外面條走廊都唔肯行。」

有錢人比窮人更迷信

不少意見認為,一般人與其靠風水改善生活,不如相信「一命二運三風水」,很多人命運早已註定,不必執著風水對自身的影響:

  • 做生意就可以講風水
  • 有錢人比窮人更迷信風水
  • 仲信幾千年前無根無據嘅嘢
  • 外國人無風水屋點發達

「見過室內擺好大座流水擺設,有啲水聲咁好治癒,一眼睇到已經好舒服。」

風水聽得多變常識

隨著討論逐漸激烈,有網民表示,愈早信風水,就可以愈早趨吉避凶,因而引來偏信科學理據的網民反駁,並且提醒大家風水只是生活的其中一種輔助:

  • 風水屋只是Debug(除去)單位將來有機會令戶主頭暈身痛的因素
  • 其實係環境心理學
  • 其實係個人自己形住風水有問題,做乜都疑神疑鬼
  • 風水係心理作用,個人會有信心
  • 背山面海無噪音、無廢氣,聽得多變咗做常識

關鍵詞
網民熱話