商業登記申請｜2026/27 最新費用所需文件及辦理方法

邊啲業務需要辦理商業登記？

根據稅務局《商業登記條例》，以下人士或機構須辦理商業登記：

• 以獨資形式經營業務嘅東主；
• 合夥業務嘅任何合夥人；
• 根據《公司條例》喺香港註冊成立嘅有限公司（不論實際上有否經營業務）；
• 喺香港設有代表辦事處、聯絡辦事處或出租香港物業嘅非香港註冊公司；
• 為會員提供社交或康樂設施嘅會社；
• 任何為賺取利潤而經營嘅生意、商務、工藝、專業或職業，不論係實體經營定透過互聯網經營（例如開網店）。

需要留意，僅擔任職位或受僱嘅人士（即打工仔），並唔會被視為經營業務，毋須辦理商業登記。

幾時要申請？逾期有咩後果？

獨資或合夥業務嘅經營者，須於業務開始經營起計 1 個月內辦理商業登記；商業登記署不接納尚未開始經營業務嘅申請。根據官方資料，任何人士提供虛假資料（例如虛報開業日期），即屬犯法，可被罰款港幣 5,000 元及監禁 1 年。若業務開始經營後超過 12 個月先辦理登記，除咗要繳交當年度商業登記費及徵費，仲要補交以往年度嘅商業登記費及徵費。

申請商業登記要準備咩文件？

按業務類別，須遞交指定申請表格及身份證明文件：

資料來源：稅務局《須辦理商業登記的「業務」及申請商業登記》官方頁。

登記業務名稱方面，申請人可以三選一：只登記中文名稱、只登記英文名稱，或中英文名稱同時登記。留意業務名稱唔可以令人誤以為公司係以有限責任形式成立（除非事實如此），亦唔可以令人聯想到與政府或公共機構有關係。

商業登記申請方法

視乎業務類型，可以透過以下 3 種方式申請：

• 親臨遞交：香港九龍啟德協調道 5 號稅務中心 2 樓商業登記署櫃位，遞交填妥申請表後 30 分鐘內領取紙本商業登記證。
• 郵寄：寄往香港九龍協調道郵政局郵箱 29015 號，收到填妥申請表後 2 個工作日內以郵寄方式發出紙本登記證。
• 網上「稅務易」：經「香港政府一站通」嘅「稅務易」服務遞交（只適用於獨資業務、合夥業務（有限合夥基金除外）及分行登記，須用 JCB、Visa、萬事達卡、銀聯卡、轉數快或繳費靈付款），2 個工作日內以電子紀錄方式發出登記證。

本地有限公司或有限合夥基金，須經公司註冊處「一站式公司註冊及商業登記」服務同步申請，商業登記證嘅應繳金額以遞交成立法團或註冊申請當日釐訂。

商業登記費及徵費：2026/27 最新收費表

商業登記證分一年證同三年證，應繳金額以登記證嘅開始生效日期釐訂。根據稅務局《商業登記費及徵費收費表》，2026 年 4 月 1 日至 2027 年 3 月 31 日期間嘅收費如下：

資料來源：稅務局《商業登記費及徵費收費表》（2026 年 4 月 1 日至 2027 年 3 月 31 日）。徵費是代破產欠薪保障基金收取。留意收費表每年 4 月 1 日隨財政預算案更新，讀者申請前宜以稅務局官網最新公布為準。

常見問題

開有限公司仲需唔需要另外做商業登記？

需要。有限公司經公司註冊處「一站式公司註冊及商業登記」服務同步申請商業登記，毋須分開兩次遞交，但登記費及徵費照計，詳見上文收費表。

網店、自由工作者算唔算「經營業務」？

算。稅務局明確界定「為賺取利潤而經營嘅任何生意，不論係實體經營定透過互聯網經營」都須登記，網店、自由接案、副業等只要有意圖賺取利潤，即使未有實際盈利，一般都需要辦理商業登記。

商業登記證幾時失效／要點續？

登記證分一年或三年有效期，屆滿前稅務局會發出續證通知，續證嘅應繳金額以續證嘅開始生效日期釐訂（即續證當年嘅收費表）。

更多創業實務可參考：稅務局：須辦理商業登記的「業務」及申請商業登記（官方頁）。

📌 延伸閱讀：開有限公司流程｜4 步驟註冊教學 官方收費及所需文件一覽

📌 延伸閱讀：電子報稅教學