最低工資

最低工資|最快明年5月增至$40 網民揶揄:好嘢,2餸飯變3餸!

理財

廣告

基層工友「凍薪」4年終於有得加人工!有消息指,最低工資最快明年5月起由37.5港元上調至40港元,加幅約6.7%。不過一眾網友表示加幅未必能改善生活素質,直言「$40茶記常餐都食唔到!」

最低工資 增至40元
(圖片來源:政府新聞處)

最低工資明年增至$40

據本地傳媒引述消息指,最低工資委員會討論後達成共識,建議將最低工資由37.5港元上調至40港元,加幅約6.7%,若建議獲行政會議通過,預料將於明年5月起實施。

據了解,不過勞工界認為加幅未如理想,勞工界要求按工會建議,將最低工資提升至45元至46元之間。

法定最低工資於2011年5月1日開始實施,法定最低工資水平2019年調升至每小時37.5元。

按現時做法每2年一檢,去年凍結,最低工資水平料明年將再調整。

據統計處數據,本港仍有逾1.4萬人領取最低工資。

最低工資 增至40元
(圖片來源:[email protected]

網民:好嘢,2餸飯變3餸!

消息一出,有網民表示「終於有得加人工」,不過,亦有不少網民質疑僅加價2.5元,未必能改善生活素質,更揶揄「好嘢,2餸飯變3餸」、「要諗下點樣洗先?加餸好定去旅行好?」

  • 「加幾多都趕唔上通脹」
  • 「40蚊真係請到人咩」
  • 「認真問,40 x 9 x 26都係9360,真心咩?」
  • 「的士起錶都加3蚊啦」
  • 「而家有咩工$40請人,實習?好Hea嘅保安都$50啦」
  • 「出面好多都比50,有些面皮九丈厚先比最低。」

不少網民認為「$40飯盒都未必買到」,又指現時茶餐廳不停加價,即使最低工資加至40元,工作一小時也未夠買一個茶記常餐。

「依家茶餐廳真係不停加,經濟好又加,經濟差又加,最低工資又加,凍飲2蚊又加到變3蚊。就由2X一個外賣,加下加下,好快加到依家6X蚊。」

「細個食緊12蚊沙嗲牛面餐,讀書果陣18-2X,中學茶記都係22蚊乾炒牛河同佢啲例牌,100蚊夠用5日,畢左業呢幾年狂加,明明食材冇乜升,lunch沙嗲牛面常餐依家敢收你50蚊。」

立即加入經一Patreon共肥計劃

每日只需~$2.5 大量文章無限重溫

全新訂閱計劃內容將全面升級!由港股美股到加密貨幣,經一特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

常見問題

最低工資詳情?

基層工友「凍薪」4年終於有得加人工!有消息指,最低工資委員會討論後達成共識,最低工資最快明年5月起由37.5港元上調至…詳情請看

勞工界對今次的更新意見是?

不過勞工界認為加幅未如理想,勞工界要求按工會建議,將最低工資提升至…詳情請看

圖片來源:[email protected]、政府新聞處