白居二2026申請｜7000個配額分布及批准信發放時間表一覽

白居二是什麼？計劃背景

房委會喺 2013 年 1 月推出「臨時計劃」，容許白表買家喺居屋第二市場或房協「住宅發售計劃」第二市場購買未補價單位。第一輪臨時計劃 5,000 個配額已於 2015 年 4 月結束；第二輪臨時計劃 2,500 個配額亦已於 2017 年 5 月結束，兩輪合共超過 4,000 名白表買家藉此自置居所。房委會其後喺 2017 年 11 月通過將計劃恆常化，正式定名為「白表居屋第二市場計劃」（白居二）。

白居二歷年配額一覽

白居二配額逐年遞增，反映房委會持續擴大呢個置業階梯嘅規模：

資料來源：房委會官方網站「購買單位（白表資格）」專頁。

白居二2025（申請年份2026）配額分布

房委會官方確認，今期白居二配額共 7,000 個，細分如下：

房委會會喺攪珠後，先按電腦攪珠結果嘅隨機次序進行詳細審核，確認申請者是否符合資格及最終優先次序：5,000 個一般配額會優先分配俾次序較前嘅成功申請者（不論是否有參加青年計劃），2,000 個青年計劃配額則按隨後次序分配俾已選擇參加青年計劃嘅成功申請者。如家庭或一人申請者配額任何一方用剩，會撥歸另一方運用。

批准信同購買資格證明書

為確保配額用盡，房委會今期發出嘅「批准信」數目會多於實際配額。官方公布白居二 2025 超出配額嘅比率為 18%，即合共發出 8,300 封批准信。獲派發批准信嘅成功申請者，須喺批准信發出日期起計 6 個星期內，因應欲購買嘅單位類別，向房委會及／或房協繳付費用申領白表資格「購買資格證明書」，之後先可以喺居屋第二市場或房協「住宅發售計劃」第二市場，購買未補價單位。

白居二同居屋、綠置居嘅分別

白居二同居屋、綠置居屬於同一批「精簡申請安排」（三合一同步接受申請），但性質有分別：居屋同綠置居係向房委會直接購買一手新單位或翻新單位；白居二則係向現有業主購買居屋第二市場嘅未補價單位，毋須補地價，上車門檻相對較低，但單位選擇視乎市場上有幾多業主放售。

常見問題（FAQ）

白居二2025定白居二2026？名稱點解會唔同？

房委會官方仍然將呢一期命名為「白居二2025」，但申請期排喺 2026 年 4 月至 5 月進行，所以坊間同時流傳「白居二2025」同「白居二2026」兩個講法，實際上係同一件事。

今期白居二一共有幾多配額？

房委會官方確認今期配額共 7,000 個，包括 5,000 個一般配額及 2,000 個青年計劃（白居二）配額。

攞到批准信之後幾耐要申領購買資格證明書？

批准信發出日期起計 6 個星期內，需要因應欲購買單位類別，向房委會及／或房協繳付費用申領。

📌 延伸閱讀：房委會放寬未補價居屋出租限制 白表客入局引爆租務大洗牌？

📌 延伸閱讀：居屋業主破限出租｜免補價出租計劃擴展至白表人士