財務自由｜連登仔列舉8個「阻自己發達」壞習慣警世：識呢種女朋友係最錯！

8件事阻礙財務自由

近日有網民在連登討論區以「財務自由之前, 絕對唔可以做嘅8件事」為題，列出8樣阻礙達成財自的行為：

1. 買潮牌貴衫，點解唔著 uniqlo?
2. 買車，停車場牌費燕梳油錢……全部掉錢落海
3. 隔一兩年換萬幾蚊嘅電話
4. 日日飲幾十蚊 Starbucks
5. 成日搭的士，Uber
6. 沉迷打機上網， 浪費時間浪費精神，對投資表現毫無幫助
7. 做辛苦工，個人被消耗曬，冇時間精力投資
8. 結識好 chur 嘅女朋友，個人被消耗曬，冇時間精力投資

網民：有慾望永遠都唔會財自

帖文引來不少網民集中討論何謂財務自由，樓主認為財自是「可以選擇唔使為依家同將來嘅錢煩惱」，一名聲稱月入50萬的網民分享目前自己仍要為錢銀發愁：

「我自己30頭，每個月做到仆x搵500k；有3層樓，一層收租、一層自住、一層吉左，3層未供斷；有養車，每月洗費2x萬，咁叫唔叫財自？普通衣食住行一定冇問題，但叫我買隻pp5-60萬我又唔捨得買（雖然都買咗），仲要為錢銀煩惱，叫唔叫財自？」

• 「其實點先叫自由？有間公屋住緊，人工穩定，三餐茶記衣食無憂咁？」
• 「用《窮爸爸富爸爸》定義的話，財自=被動收入超過固定開支，所以唔一定好高收入高資產，只要你每月唔駛做，得到嘅錢都多過你洗費就已經財自」
• 「永遠有慾望都唔會財自到」
• 「財自嘅條件之一就係控制慾望, 令佢處於可控範圍」

有部分網民認同樓主的看法，指不懂節儉難以儲錢致富：

• 「成日掛住享受只會一世做奴隸」
• 「買潮牌不如執下個樣做下運動護下膚（護膚可以戒糖/早睡早起少煙酒，唔係下下醫美，可以唔洗點洗錢），靚仔靚女著u記一樣靚，其他有錢先諗」

也有網民揶揄：「由你開始投資既一刻， 已經放棄財自」。

延伸閱讀：迷信老細聲稱年初二「開工吉日」強制返工 打工仔：有咁多吉日就生意好啦！

延伸閱讀：錶舖返工見識「有錢人」揮霍無度 打工仔當場嚇呆：睇唔出呢班人過億身家！