20歲投資理財賺多啲 買中國人壽好唔好
問1 ：
老師，我想請教，作為一個20歲的青年人，應該持有幾多%股票?
同埋現在中人壽算唔算平?如果要入市，個策略係咩?
龔成老師答：
年輕人可以比較進取，就算持有6成-8成為股票，也沒有問題，更何況，股票也有很多類別之分，有潛力股、穩健股、收息股，因此只要適當分配就可。
中國人壽（2628）現價合理，但唔能夠稱為便宜，基本上分段買入就可以了。（對照龔成信箱Q3410）
問 2：
龔Sir，我已報了你的課堂學習投資技巧，但而家也先行自學做功課，免得浪費時間。
近日我在看乳業股，因看好未能內地幼兒市場。發現2319雖則是龍頭，但增長已大不如前。反而發現了1112及1717兩隻股票。
1112在股東權益回報率、經營利潤率都較1717好，但1112盈利增長則較差（可能是基數較大）及負債率較高（因為早一兩年收購新業務而發債）。
兩間都引入新業務，成了新的盈利增長動力。
想看看龔Sir如果評價這兩家公司，抑或依然是2319較好，因擁有護城河優勢？謝謝！
龔成老師答：
蒙牛乳業（2319）一般會是較佳的選擇，因為龍頭企業在長遠所得的經濟成長效益，會比其後企業為高，中國奶業長期仍會增長，蒙牛雖不是高速增長，但都會平穩增長的。
至於Ｈ＆Ｈ國際控股（1212），其實在內地都有不錯的品牌，以及鎖售網絡，如果要不太慢的企業，這是其中一個選擇，但要注意，這股現時的市盈率去到21倍，其實已經不平宜了，若然你看好，這刻都要以分注買入模式投資。
澳優（1717）的規模相對較少，本質不錯，如果你要較有潛力的，相信這股適合，但同樣現時市盈率不平，要自行留意風險，或先考慮小注。（對照龔成信箱Q3407）
問 3：
你好呀成，之前睇到你有一篇文章講「一生的事業」，因為我自己最近都一路係呢個問題上面思索左好耐但都暫時未得出一個確實既答案，所以想請教下你。
我今年26歲，我父母都係中下階層，所以由細到大都係只係覺得讀好書，有份正常工就ok, 好少會去討論做d咩最適合自己，但我讀書成績幾好，所以學業上一直都係頭果幾名，但我覺得咁樣反而令我冇乜諗過事業的選擇，因為一路都覺得讀得叻就冇咩擔心
所以一路讀大學出完黎做左個專業人士幾年之後，我開始覺得因為我細個好窮，所以我利用我良好既學習能力係大學學左一個專業一堆野，宜家用番黎?錢，宜家可能叫做可以獨立處理到財政上的問題，人工也不錯，但自問係咪好熱愛我的工作，我可以好肯定答唔係
所以近呢一年我不斷探索自己其他方面的可能性，到目前為止我只係可以話我有興趣既野係同文化，音樂，閱讀，教學有關，但講唔到好明確的方向
想請教下你，一般係發掘呢一個一生的事業入面一般係點樣得出結論同決心？因為我有時會覺得職業呢一個都係人為的概念(就好似錢咁)，並不是人與生俱來的，人要錢因為要生活所以會追求，但事業又如何解釋？Thank you!!
龔成老師答：
我相信，每個人都有佢本身的強項、興趣、喜歡的事情，甚至是「自己存在的價值」。如果你對呢d問題有答案，好多時都能夠找到自己一生的事業，當然，有d人好細個就找到，有d人大個先找到，有d人從不打算找。
如果你本身是專業人士，其實要完全改變比較困難，始終有現實問題，但唔等於你唔可以發展其他的野。你可以繼續做你的工作，同時間，在自己的興趣上多花時間，漸漸地，可能你找到更多「自我」。
若然你有一天，想將興趣化成事業，就可以以兼職、生意、或其他形式，一邊打原有的工作，一邊將興趣發展事業。
同時，多同突破思維去想事情，你的興趣，可能可以發展出一些你之前無想過的事業，你可以以不同角度分析，甚至將你本身的專業與興趣，尋找一些相交點。有機會，花時間想想這些問題。（對照龔成信箱Q3408）
問 4：
龔sir 見你有俾埋career意見 想問下你
我fresh grad 而家做緊一間中資行 岩岩入去manager要求我做customer service熟習銀行業務先 但我對於開戶口改地址的東西完全無興趣 因我本身理應係行rm呢條路 突然要做咁奈cs 我有點失望
我係唔係應該及早轉工 因為銀行就算傾得成一單保險 分俾自己既都係得好小
龔成老師答：
長遠來說，你應該轉工或轉職位的，但每一份工都有佢帶比你的得著，你可以再試多一排，真的無興趣、無野學、無晉升機會，就轉吧。
有時一開始工作，都要做一些較「無謂」的工作，但不要太早放棄，因為這有機會成為你的踏腳石。不過，我認為你長遠，都是要轉的。
有銀行業，久不久轉工作，其實有助你提升身價，同時能學到不同範疇的工作知識。（對照龔成信箱Q3409）
問5：
老師，我想請教，作為一個20歲的青年人，應該持有幾多%股票?
同埋現在中人壽算唔算平?如果要入市，個策略係咩?
龔成老師答：
年輕人可以比較進取，就算持有6成-8成為股票，也沒有問題，更何況，股票也有很多類別之分，有潛力股、穩健股、收息股，因此只要適當分配就可。
中國人壽（2628）現價合理，但唔能夠稱為平宜，基本上分段買入就可以了。（對照龔成信箱Q3394）
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要3天以上才能回覆，若然是較複雜的提問，起碼要7天才能回覆，希望各位能諒解。
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：https://www.facebook.com/80shing
