中秋節禮品優惠大搜查

社會熱話

廣告

中秋有如過年一樣,次次一到中秋,人人都會互送果籃或月餅,多親朋戚友的大家肯定又大為破費,今次大笑鳥戴番副精明格價眼鏡,同你一齊掃盡中秋平貨。

月餅優惠年年有,不過要計到最抵,就一定要用信用卡買月餅啦!現在至9月27日,憑中銀信用卡可以用積分或六折購買各款榮華月餅禮盒; 或用東亞信用卡可以以低至六七折購買鴻星集團月餅禮盒。

滙豐信用卡則可享美心及東海堂中秋月餅低至六折優惠,可惜這個優惠期只到9月20日,不過仲正的是推廣期內的星期五、六及日額外更享九五折呀,即係最低有五七折呀!買月餅有平之餘,大家仲可以儲信用卡積分,用來換飛行里數、禮品甚至當現金洗,一舉兩得。

隆重啲,可以送果籃,又健康又fresh。由於近期圓匯急跌,今年日本果籃價格不升反跌,完全抗通脹。專賣日本果籃的一田,今年出售的果籃售價便較去年平超過一成。

其中一款包括亞魯司蜜瓜、長野巨峰和水蜜桃的果籃,售價由去年的1,188元減價至1,028元,減幅達13%。另一款水蜜桃禮盒售價698元,去年售價為788元同樣減約11%。大家要買就趁早啦,優惠期到9月17日咋!

另外,一田的「中秋食品祭」亦舉辦了「海味街」,當中鮑魚、燕窩、人參、花膠等貴氣食材低至六八折發售,若果早前美食節買唔夠的話,可以再來呢度掃貨。

撰文:姚卓然