九記牛腩一杯熱水$16焫著港人！網民激辯：不如淨係賣熱水咪得囉

九記牛腩一杯熱水$16焫著港人！

最近有港人於Facebook「香港茶餐廳及美食關注組」群組發帖指九記牛腩一杯熱水居然要價$16，令他驚訝萬分，更忍不住大鬧過份：「一杯熱水要16蚊，不如淨係賣熱水咪得囉，一定賺得多過而家」。

網民分兩派激辯

此帖𣊬即引來眾人熱烈討論，網民分成兩派激辯！有人就力撐餐廳明碼實價，此行為並沒有不妥：「明碼實價有咩問題？覺得貴唔叫咪得囉」、「其實水費，人工，鋪租要畀錢！佢明碼實價又冇騙人，有乜問題？」，有網民解釋指餐廳此做法背後原因：「就係唔想你免費要杯水唔買野飲嘛」、「你未見過以前十個大陸客三個叫野另叫7杯水坐」、「佢set 呢個價係叫你唔好飲水，飲可樂」。

另有網民就同意事主觀點，認為16元一杯熱水實在太貴了，「如果佢啲煮得太咸，問佢攞杯水飲下正常啫，如果咁都要另外收錢，咁真係唔好怪啲香港人跑晒返深圳消費」、「好離譜，好反感！客人入去飯，畀杯水都好應該啦，呢啲餐廳我一世都唔會幫襯」、「通常要杯水洗筷子，仆佢過X」。

網民質疑：係咪支裝水？

另有網民指單憑照片及事主的片面之詞難以去判斷，有網民更質疑問道：「定係支裝水？」、「你咪去order一次睇下人地係咪真係淨係畀杯熱水你囉」。