盤點人生用錢最奢侈一次 網民：行街順手買埋樓上車
廣告
近日有網友於連登中盤點人生中用錢最「豪」果次，同時間希望有錢人分享他們最奢侈的用錢經歷。
撰文：Purple弟弟 圖片來源：visualhunt、新傳媒圖片庫、tvb《Do姐去Shopping》、資料來源：連登討論區
網友見到個標題，就紛紛留言分享自己嘅特殊經歷，其中有網友表示最誇張果次係玩網上遊戲時課金，還是初中生時已用2,3萬追求虛寶，甚至連網友自己都唔理解當時點解咁沉迷網上遊戲。
不過，當有網民討論緊課金呢個話題時，竟然得到不少其他巴打附和，一致咁講係手機遊戲甚至網遊上課金可能係佢地人生中其中一個最「顛」嘅決定。
大部分香港人每日打份工最後都係做樓奴，買樓自然也成為網民人生中最奢侈的一次經歷。有巴打就試過同女朋友行街時無嘢做，被地產經紀sell咗係睇樓，最後竟然神奇地即日買埋，就咁成功上車。 一個很可能是人生中最難的議題，巴打係留言間卻透露出半分嘅隨意，實在令筆者汗顏。
不過都有唔少網友表示係香港買樓可能已經係人生中最奢侈嘅一次，無論係供私樓或是公屋居屋，買樓這個決定已經算係超越理性的消費行為，奢侈到人生好難再有第二次。
俗語有云：「民以食為天」，網民盤點最奢侈的經歷時又點會無食嘢份呢？而當中最受本港市民所愛戴的麥當勞自然成為網民留言的熱門。無論係加大套餐，又或是買套餐再散叫多個包，網民都可以苦中作樂，將麥當勞比喻為平民米芝蓮，盡顯豪氣。
睇返以上嘅留言，其實都唔難發現大部分都係關於食，玩同埋上車，比較少香港人留言為 外地旅遊等奢侈經歷。而筆者最奢侈嘅一次經歷可能已經係俾大約300蚊港元上東京晴空塔觀光樓睇風景，最慘上到係乜都無得睇，成個觀景台都被霧遮住哂，乜都無得睇。
延伸閱讀：
