你實遇過! 交通工具10大神憎鬼厭行為

社會熱話

廣告

網上有云:「在港鐵每磨一分鐘,就會阻人60秒。」大家應該心同感受。好多人都好怕怕,入閘時前面用手袋在入閘機上不斷磨,磨到天荒地老都未拍到卡。有網民直情有見及此,改埋圖,誠邀大家拿出八達通再入閘,引起大家共鳴。除了磨手袋外,地鐵內仲有好多令人神憎鬼厭的行為。正好近日南港島線已正式通車,人流一定多,大家想做個人見人愛的乘客,記得勿犯以下10大神憎鬼厭行為。

text – Tsz (原文:新Monday)

交通工具10大神憎鬼厭行為

1.直接「嘟」手袋入閘

原因不需多講,就是因為陪分人士貪方便,喜歡拿出整個袋在入閘機上左磨右磨,令大家避之側吉。其實拿出卡出來,10秒都不用。

2.必須讓座?

大家都應該試過,企足十幾個鐘,或者姨媽到訪時,唔太舒服又好想坐低,但在理性的制止下都還是不敢坐。關愛座不再講,就連普通座,坐一坐分分鐘又被公審到網上。對於讓座仍有極大爭議,連升降機都實施優先制…廢青們,行樓梯、企下啦!

3.月台中間排隊 急急腳衝上車

不論上車定落車,特別在繁忙時段,總是很怕遇到些在月台中間另開新隊的乘客。更甚的是,人都未落車,已經要急急腳衝上車。有時都不知行快幾步好定避開你好!

4.拖喼黨橫行

拖喼黨不但充斥於香港街上,更把整個港鐵站都逼爆淪(特別於九龍塘站)。有時於月台上車時一不留神,一個腳指尾拉西,嗰喼又碌過你隻腳啦!,其實拖行李的朋友可以優先使用升降機,方便大家又照顧到人。

5.遇著車廂大小便 乘客最怕

有時候,在地鐵站內遇著有人不論於月台、車廂大解小解,有時還要散發著陣陣異味,相當噁心兼難頂!小編以前都遇過一些強國遊客人有三急,急到在我面前於商場內除褲大解。當時嗰種震撼,小編真是畢生難忘!

6.車箱內剪指甲 指甲橫飛

車廂內有些乘客為了節省時間,選擇於車廂內剪指甲腳甲,巴士、小巴都見到,而且每剪一下的聲音都好煩。雖然快還快,但身為一個有公德心的乘客,指甲腳甲橫飛於車廂,對其他乘客同清潔姐姐來說,這樣做真不太好。

7.車廂內喪食喪飲 餅碎果汁食到成地

車廂內不准飲食雖然就眾所周知。但有時人趕返工返學,又肚餓過頭,偷食幾啖,又無可厚非的。食還食,但要注意不要食到周圍都有。

8.為逼上車上演格鬥擂台

有時候返工放工時候,為逼上車好多人都各出奇招。不少乘客更「打仔上身」咁」深蹭、紮馬、起踭、提腿樣樣齊,起唔講仲以為打緊street fighter!

9.一人霸晒成條柱做晒「柱男」、「柱女」

搭地鐵嗰陣,總會遇到些人好鍾意一人獨霸成條柱。成個人瞓晒上去又有,攬到實一實都有。有時人多得濟想搵條柱扶一扶穩都難。

10.人多爆棚閘照衝

好多時候,喺太子、金鐘道門關左幾次都未成功,依然有人照衝閘。有網民更因衝閘等行為而改圖。

最後,小編希望大家睇完之後,齊齊做個人見人愛的乘客。分享是美德 認同請分享!