保安員曬2萬蚊住戶利是 大讚公屋戶闊佬兼有人情味！
廣告
未過大年十五，有位公屋保安員已經迫不及待地拆完一大袋利是，並表示今年逗到2萬元利是，又大讚公屋住戶「闊佬」兼有人情味。有網友形容保安員是「人生大贏家」，亦有網友揶揄保安員臨近新年特別好禮貌。
一般人都會派利是至正月十五，通常收齊利是才一次過拆，但一名心急的網友在年初七「人日」當日已經拆完利是，並在香港討論區發文，稱自己是一名公屋保安員，收到住戶「一大袋」的利是。
逗近2萬元利是 公屋戶較「闊佬」
從該保安員上載的照片可見，利是堆滿桌面，估計收到逾百封。金額由10元至100元不等，當中20元最多。有網民估計保安員今年大約收5000元利是，該保安員回覆：「X4啦」，意指約2萬元利是，並表示總額與去年相若。
保安員又大讚公屋住戶較「闊佬」和富有人情味，指平時收到不少住戶送的水果，又表示今年比上年收多了100元的利是。
網民：應得嘅！
貼文引起網民熱烈討論，不少網民亦替保安員感到開心，紛紛恭喜事主「大豐收」、「過肥年」，又形容新年的保安員是「人生大贏家」。
亦有網民表示這是對保安員過去一年工作的肯定：「如果你做得好， 盡忠職守， 係你應得嘅」、「依家做保安唔同舊陣時， 乜嘢都要做， 人工又低， 時間又長， 一年收一次利是係應得」。
不過，亦有網民表示，部分保安員臨近新年特別好禮貌，「連唔係自己住果座啲保安員都主動同我打招呼」，大廈亦「加強安保」，會「無啦啦多幾個陌生保安坐大堂」。對此，有網民表示：「你平時醒目人哋自然識做，有啲唔得醒，或平日當你透明，新年先識開口就梗係冇（利是）啦」。
此外，有網民指出公屋多住戶，保安員新年間逗過萬元利是屬「基本」，網民揶揄：「原來做保安咁好搵，唔怪之得金成安都話係佢dream job」。
圖片來源：香港討論區截圖
