它來自邊度?

社會熱話

廣告

早前連鎖日本牛肉飯快餐店憤怒了,仲報埋警,嚴正聲名話餐廳的米飯及蔬菜並非來自幅射福島,而係來自祖國黑龍江。但有唔少網民聽完仲驚,稱:「寧食福島米,不吃國產貨」。

其實市場有好多公司,來源地同公司名標榜的國家都冇乜關係,情況就好似揚州冇揚州炒飯,星州原來冇星州炒米一樣,睇下以下公司有冇跣到你!

巴黎雪完美
產地: 中國大陸
睇個名以為來佬貨,法國巴黎的產品質素都應該唔錯,點知巴黎原來假,產品係中國製,希望各位女士無被佢誤導!

瑞士糖(Sugus)
產地: 中國大陸
瑞士糖應該冇花冇假,係瑞士黎既糖啦,之但係又係同海南雞飯唔係來自海南、老婆餅冇老婆個道理一樣,瑞士糖係中國製。Sugus叫瑞士糖係因為隻糖源自瑞士,但公司之後被收購,再委託卡夫食品係天津製造。

美國冒險樂園
來自: 香港
呢個真係中伏啦,小編細細個以為美國都有類似樂園,以為去左美國玩,點知原來美國冇分店架,全部都係哂香港。

費列羅金莎(Ferrero Rocher)
來自:意大利(現在)、中國大陸(不久將來)
而家香港買到既意大利金莎都仲係來自意大利。不過集團總裁已經正式宣布,將會係內地設廠,製造真正「國產版金莎」。(掌聲鼓勵)

丹麥藍罐曲奇
產地: 丹麥
聽咗咁多可能各位都有啲心灰意冷,其實唔係個個都咁古惑,好似新年實收到的丹麥藍罐曲奇,就真係來自丹麥,好野黎架!