港女山姆買麻雀中伏！打咗成半個鐘驚見「5隻六萬」網民震驚：少咗手指點賠

社會熱話

Feb 15 2024

農曆新年一家人齊齊整整歡聚一堂，不少人都喜歡麻雀聯繫感情，而早前深圳山姆風潮hit爆香港，當中的Hello Kitty麻雀更是當中的必買產品，不過近日有網民把這副麻雀拿出與親友一起消磨時間，突然發現居然有5隻「六萬」，之後的事件更是令人哭笑不得！

山姆 hellokitty 開始陸續有港人表示在山姆購物後中伏。 — 開始陸續有港人表示在山姆購物後中伏。（圖片來源：小紅書）

港女買山姆Hello Kitty麻雀中伏　打牌驚見5隻六萬！

年三十晚（9/2），有位女網民在Facebook群組「山姆中伏分享Group」發帖，表示自己早前透過代購在山姆買了一副Hello Kitty麻雀，新年期間與一班親戚開枱「打翻幾圍」時，突然發現唔對路：「打六萬有人叫碰，另一個話『你碰咩？我有2隻六萬』，之後輸家話『唔算數有5隻六萬』，打咗成半個鐘先知」值得一提是，事主這副Hello Kitty麻雀除了多出一隻6萬，還少了一隻7萬，令她忍不住找代購，可惜得到的回覆是：「（因為係）搵代購買，叫佢俾單我自己去換，佢話無得換。」

山姆 hellokitty Hello Kitty麻雀是其中一樣搶手產品。 — Hello Kitty麻雀是其中一樣搶手產品。（圖片來源：山姆中伏分享Group）

山姆 hellokitty 麻雀上印有Hello Kitty圖案。 — 麻雀上印有Hello Kitty圖案。（圖片來源：山姆中伏分享Group）

山姆 hellokitty 網民更笑言好意頭：「五五不盡，六六無窮！」 — 網民更笑言這副麻雀好意頭：「五五不盡，六六無窮！」（圖片來源：山姆中伏分享Group）

網民震驚：「被人誤會，少咗手指點賠？」

帖文引起不少網民討論，大家紛紛出招「幫手」解決問題：「不如試吓網上同人交換麻雀？我見好多人都多咗一隻又爭一隻」、「好懷疑係無授權嘅產品，無理由唔會做好品質管理」、「Print 張labels貼返你七字啦！佢都係提你七少啲」、「上網尋人搵返另外一副麻雀係有五隻七萬」、「如果盒內有一隻未雕刻嘅麻雀，可以拎去賣麻雀的鋪頭雕番隻七萬」、「被人誤會，少咗手指點賠？」、「好彩唔係初三打」。