盤點打工仔最慘經歷 網民：瀨咗尿仲冇埋半個月糧
撰文：Purple弟弟 圖片來源：電影《食神》、visualhunt 資料來源：連登討論區
有巴打近日就係連登討論區中發文，自從開始返長工之後，巴打發現自己開始失去人生意義，每日機械式嘅返工放工已經令巴打失去戰鬥意識，曾經於心中熊熊燃燒嘅鬥志，亦都慢慢息滅。
而巴打以上嘅苦況可以用一句說話嚟概括，正所謂哀莫大於心死，巴打已經透過其發文向自己命運發出最後一次無聲嘅吶喊。有網友見到巴打對於打工仔最慘嘅發言，都紛紛給予支持及表示認同，甚至表示當返工時間仲長過訓覺時間，還能算不慘嗎？
筆者見到一眾網友係討論區中分享打工嘅辛酸時，亦都非常有同感，甚至竟然有網友表示坐監可能比返工更為好。 坐監時所有活動都已經被安排好，唔會突然增加工作量，起碼唔使無限OT。網友說的話其實幾有道理，皆因坐監正常係唔會有放工，有都只會係放監。
另外亦有網友留言每年的流感旺季，公司總會變成流感集中營，一傳十，十傳百，有人病就會好快傳哂開去，但最慘嘅就係通常病好又會被人再傳染，形成咗呢個惡性循環，病住都仲要返工，真係喊出嚟！
病果陣真係好辛苦，而且仲要繼續返工。
而筆者亦聽聞過一位朋友係中資公司返工時嘅經歷，現在回想起來，分分鐘真係最慘經歷我。話時呢位朋友當年係公司係一位祕書，咁做得祕書就預咗開會要幫老闆take minutes，開一個會由半個鐘到幾個鐘都有可能，所以有時都要忍下大小二便。
據果位朋友嘅分享，當日佢同老闆開跨國會議過咗5個鐘，已經忍尿忍咗好耐嘅佢終於忍唔住，係會議間企起身舉手問上司可否去廁所，亦正係佢企起身果吓可能牽動到股間肌肉，從而令到膀胱大放鬆，係會議室當眾賴咗出嚟。
那位朋友雖然係果一刻得到了陣陣嘅快感，但好快佢就知道：「出事喇」，佢唔單止受到各位同事嘅嘲笑，而且佢仲要賠錢俾公司，皆因佢解決便意嘅地方就正正係一幅意大利地毯上。
