空姐面試攻略！唔係你想像中咁簡單Part1

相信空姐呢個職業係唔少女仔兒時嘅夢想，但考空姐係要過五關斬六將! 究竟投考空姐有咩tips同埋注意事項呢?

Jennifer喺YouTube就拍咗一系列叫「空姐談」嘅片，成個系列都係關於佢之前做空姐，由一開始點考空姐到佢做空姐期間嘅所有經歷，俾觀眾可以對空姐有一定認識。

第一集先由send CV講起，究竟要注意啲乜? 一齊睇睇Jennifer點講喇!

第一階段:Phone Interview

• Send CV俾自己鍾意嘅航空公司時要連埋cover letter。
• Send完CV幾日內就會收到航空公司嘅電話，所以呢段時間唔可以鬆懈!要好好利用時間事先準備大約20至30秒左右嘅自我介紹(中文加英文)。
• 之後聽每一個電話時要特別留心，態度一定要非常好，因為唔會知航空公司會幾時打嚟。
• 要事先寫低Phone Interview要講啲乜，要點介紹自己，例如叫咩名、之前做過咩、興趣、點解想考空姐等等。
• 同時要事先準備好紙同筆，等做完自我介紹之後就可以立即寫低考官同你講嘅嘢。

*Phone Interview重點係篩走同CV完全唔符合嘅人，同時想聽你嘅中英文會話能力! 考官並唔想知你份CV有幾靚或者自我介紹有幾精彩。

*Tips: 保持鎮定! 要冷靜、有自信同優雅地讀出準備好嘅講稿，同埋要俾考官知道你係識講英文!

題外話: 如果參加航空公司嘅walk-in 招聘日，就可以skip咗Phone Interview，直接有First Interview嘅機會!

第二階段: First Interview

• 至少預大半日時間去做First Interview!
• 重點係睇你舉手可唔可以掂到208cm (可以踮腳)，只要掂到就過關!

如果仲想知多啲Jennifer分享空姐First Interview之後仲要注意啲乜，就一定要留意Part 2同Part 3喇!!

https://www.youtube.com/watch?v=BEiPZXz4yO4