網上熱話｜網民投訴女友露營帶電熱水煲無常識 女友：咁大個平地點會冇電制？

事主在討論區上分享事件，稱早兩天兩小口去露營，去到營地竟發現女友帶了電熱水煲到營地，並強調真的是家用要插電的一種。他問女友「請問去露營邊度搵個電制俾你插？」，覆述女友答覆「咁大個平地點會冇啊？唔係人地去露營點煲水啊？」事主直言「天啊！佢係咪痴線架？」，稱反白眼反到去後面，狠批女友「冇常識冇得救」。
有網民不值樓主把事件放到網上，稱「咁你就要公審佢？」、「同人講你另一半點樣蠢，你覺得就會有人讚你聰明～？」；亦有不少網民嘗試幫事主女友解釋，指「佢可能以為宿營啊」、「係你錯，係你無帶汽油發電機」、「佢又錯唔哂，要搵一定搵到既」、「依家好多路(露)營地方都有電插頭」。

不過，事主隨帖附上的相片僅在地磚上拍下一個電熱水煲的相片，也有網留質疑事件真確性，稱「咁嘅故仔都諗得出？」

資料來源：AM730