創業 加拿大

港男創業年薪700K 女友要求移民加拿大陷兩難:我盤生意點算?

移民熱話

廣告

近年不少人移民加拿大,一名創業港男亦陷入了兩難。該名港男事業初上軌道,公司剛約滿續租。與此同時,不適應香港快節奏的女友計畫辭職,並提出一同移民加拿大。不少網民經分析力勸樓主留港,否則只會有無盡埋怨及後悔。

女友提議一同移民加拿大

早前有港男在連登討論區上以「女友叫我移民加拿大去唔去好?」為題發文,指女友提出一同移民加拿大,然而樓主正在香港創業,因此陷入了兩難。

樓主表示,自己正在經營一間小公司,年收入大約60萬至70萬,又指業主十分好人,6年來只是象徵式加租1000元,在疫情嚴峻的時候甚至減半租。近日樓主約滿續租,並且花10萬將公司略為裝修。

樓主續指,女友在加拿大土生土長,大學之後跟父親回流香港,在銀行任職,但覺得香港的節奏太快,以及做金融要「跑數」感到很大壓力。女友父親原本經營珠寶廠,後來中風去世,給女友留下一筆遺產。

因此,女友計畫辭職,並邀請男友一同返回加拿大定居。樓主表示「人生路不熟有啲淆」,但又希望女友陪伴在側,於是拋出兩個選項,詢問網民意見。

  1. 移民,難得有機會去闖下,過去幾年攞居留都好,真係唔慣先返香港
  2. 唔移民,叫女友留喺香港陪我
創業 加拿大
(圖片來源:連登討論區)

網民力勸留港

帖文引來網民熱討,大部分網民投票支持樓主移民加拿大,不過留言多數勸樓主考慮清楚,認為現階段放棄公司生意十分可惜:

  • 「你不如叫女友同你一齊做生意試一年先啦」
  • 「啱啱先續租又裝修咗,我諗雖然同業主有得傾退租,但覺得好嘥」
  • 「都係唔好走,去到有唔順境時,只會更多埋怨同後悔」
  • 「有考慮,都唔洗諗,分手,你有你賺錢,佢有佢翻加拿大」
  • 「加拿大搵得返一年600-700k同一盤上咗軌道嘅生意仔?」
  • 「加拿大唔係一個畀樓主闖嘅地方,係一個退休地方」
  • 「到最後跟咗其中一個人既決定,未必幸福,另一方一定會成日覺得自己放棄咗太多嘢,為咗對方點點點,最終都會分開」
  • 「去半旅行半生活,體驗一個月,睇下啱唔啱自己先,除非你盤生意仔連一個月都行唔開」

有網民提議將公司交給別人打理,移民創業兩不誤:

  • 「盤生意搵人接手/夾囉,去到外國你象徵式收返10k一個月」
  • 「請個人幫手睇鋪頭,自己就去加拿大,settle好咪做太空人兩邊走/轉做網店」

圖片來源:unsplash@jasonhafso