港男被裁「扮返工」真情剖白：嗰年27歲突然失業，日日西裝打呔瞓圖書館
廣告
裁員潮下打工仔隨時失去飯碗，有人未必懂得向家人坦承，無奈需要「扮返工」度日。一名40多歲的打工仔，在安慰網友時，勾起了自己過去亦曾隱瞞家人扮返工，於是以過來人的身份分享自己失業半年的難忘經歷。
27歲忽然失業 不敢告知父母
港男當時27歲，已婚，要供樓。剛剛找到一份工場工作，入職數天一直相安無事，可惜到了第五天午飯之後，經理就找同事通知自己已被解僱，要盡快向工場交返制服，什麼也沒有交代：
「我嗰晚直頭六神無主，求其揾架巴士上，之後總站坐總站，夜晚十點先回家。」
「扮返工」歲月：公廁換便服 積蓄當家用
港男回想自己當時尚算年輕，不敢將失業的真相告知父母。幸好自己以前有儲蓄，勉強可以用積蓄支持家用。不過，每日只能在學校流連度日，有時為了慳錢，全日只能吃麵包。最終，西裝打呔在圖書館打發時間的日子亦維持了半年。
「之後半年，每日著恤衫皮鞋出街，之後去公廁換便服，全日在大學圖書館睇書、上網揾工、瞓覺，下午去大學飯堂食下午茶當午餐，因為平，五點半換返恤衫皮鞋返屋企，如是者過咗半年咁嘅生活慘到極點！」
「我之前扮返工時，半年啦，都是大部份用積蓄老本比家用，先可以瞞天過海，好彩之前做嘢儲定d，否則邊度每月攞幾千蚊出來比家用。不過，當時有d兼職炒散，每個月有二三千蚊幫補，叫做頂吓！」
自閉性格 鬱悶無處傾訴
港男剖析自己內心弱點，總是不懂得向身邊人傾訴，只能「借酒消愁」將憂鬱留給自己，笑言自己現在40多歲，沒有精神問題已經算是幸運：
「我份人自閉，乜都放在心入面，唔講，自己鬱悶在心中，匿埋飲啤酒，可惜酒入愁腸愁更愁，最後還是要等事件自己解決。」
談及婚姻 悔不當初
「結咗，要供樓！你話結婚係咪錯？自掘墳墓！」
談及婚姻，港男亦有所感嘆，懊悔婚姻為自己財政束縛和負擔。他估計，如果冇結婚，負擔可以減輕一大半，同父母住不用供樓，亦沒有小朋友開支，工作彈性更加大，可以不用太意人工。有任何不滿亦可以隨意轉工、打散工。只要自己揾自己使，開支之後全儲，五十歲可以財務自由，一個月有萬多元股息收入便可，有三百萬已可以退休。
「中年悲哀。結婚係錯！講到呢度心入面已經喊緊，個鼻子酸一酸！」
圖片來源：Unsplash@matthew feeney、Unsplash@alan chen
