港媽OT到7點頂唔順轉工 早放1個鐘人工7萬變4萬

日前，署名FTM（由於與全職媽媽的縮寫一樣，估計投稿網民為女性）的網民在FB專頁「奴工處」發文，指現時工作壓力很大，每月薪金連津貼約7萬元，「每星期有三日左右要ot到7點（返8半）有指定日子同月份唔可以放假（一年約1/3日子）」，因此正在考慮是否應該轉另一份工作，每日準時朝9晚6，方便照顧小朋友但薪金只有約4萬元。

網民：7點叫OT？

貼文一出，網民反應兩極，反對的網民認為樓主身在福中不知福，OT到7點根本不算OT，況且亦不能保障新工一定不用OT，如果只是返多一個鐘便多3萬，根本不用轉工：

• 「邊有真係咁準時朝9晚6，恐怕係騙局。」
• 「7點叫OT？」
• 「7萬蚊月薪既工實在難得，要放棄好可惜。」
• 「少差不多一半人工，生活會唔會有影響先！唔好話為小朋友而減人工都要轉工！」
• 「可能轉咗工都要OT，一日未返新工，一日都唔知。」
• 「講到咁以為要做到半夜，結果只係收7。」
• 「四萬都唔一定準時收工。」
• 「返多一個鐘就多三萬喎。」
• 「搵七萬返八半收七都唔過份啦。」
• 「收7萬人工，OT 時飛的回家。」

網民：家庭負擔到梗係轉

然而，支持樓主的網民則認為，若然不影響家庭負擔，一定是陪伴小朋友的時間及個人健康更重要，並指認為7點收工冇問題的人是奴性太重：

• 「如果家庭負擔到嘅話而你又想多啲時間陪小朋友，咁梗係轉啦，而且OT得耐，你照除返時薪可能都唔係差好多。」
• 「我明白呀，同屋企人尤其小朋友相處既時間無價，搵少3萬又唔會餓親，如果真係唔使OT其實好吸引，希望你最終多咗時間陪伴屋企人啦。」
• 「身體，家人最緊要。條數計得掂，梗係work life balance，尤其你需要時間照顧小朋友。」
• 「我會揀家庭相處時間，小朋友成長過左就過左，錢隨時可以揾番，大把人放棄高薪厚職全力照顧小朋友。」
• 「視乎你自己價值觀，家庭相處時間 VS 三萬收入，亦要考慮你另一半工作，人人情況唔同。」

「如果樓主住得遠，7點放工可能要8點先返到屋企，唔好彩撞正塞車壞黨鐵分分鐘9點先到。唔好以為7點走唔算晏。況且樓主已經係返8半，分分鐘7點就要出門口。」

網民：做慣奴先覺得7點收工冇問題

有網民就著OT到7點這一點深入討論，對話一來一往，反映了兩派價值觀的不同：

• 「其實幾多人做慣奴所以先覺得人地唔想OT到7點係有問題。」
• 「覺得分別在收6同收7，人工差一倍，我情願收遲一個鐘，放工唔洗同人迫同袋多啲，住得遠塞車唔好彩分分鐘都唔止一個鐘。」
• 「咁每個人選擇同諗法唔同既，有小朋友同無小朋友時心態亦會差好遠。」
• 「其實你如果有安排課外活動俾佢，大家返到去時間上咪一樣。」
• 「咁要睇小朋友幾大喎，同埋大家對教養觀念有幾唔同，所以咪話個個人選擇同情況都唔同囉。」

延伸閱讀：輪「劉」大戰｜與甘比爭寵失敗 呂麗君錯失大劉老婆寶座 近年陷財務危機

延伸閱讀：元朗村屋256萬拍賣！全幢千呎連天台「特濃鄉土風情味」：平，一定有原因！