揭秘3條職場潛規則 新人最易中伏位：Email CC 要「長幼有序」？

潛規則一：Email cc需按職級高低排序

近日有網民在Facebook專頁《奴工處》發文，指cc（電郵副件發送）需按職級高低來排序以顯示尊重。

「大家有冇聽過Send Email CC嘅順序要『長幼有序』咁排位，即係越高級要排越前？」

帖文引來網民熱討，網民幾乎一面倒認為按職級高低來排序是職場潛規則：

• 「我會架喎，有啲大人會介意架，未必會講出口但記住你」
• 「啲老屎忽會睇下頭幾個名有無啲老細，有就特別落力，利申：老屎忽」
• 「以前讀書真係咁教。不過出嚟做嘢試過俾個經理級話：Email擺佢喺第一即係要佢親自處理」
• 「有啲人會計較，唔係點有 『排名不分先後』呢句」
• 「基本禮貌，做咗無人怪你，唔做有可能惹麻煩」
• 「以前old seafood 教落要跟ranking 排，自此就一直都咁做」

也有人認為職位越高級排名反而越後：

• 「如果email內容你有野要跟就會排前，純粹只要你知內容的都會排最後，所以好多時，越高級就越排得後，因為佢冇野要做」
• 「有啲公司好執著，有啲無所謂，見過有公司越高級排越後」
• 「純粹係太大粒，for his information only, 所以放最尾」

不過，也有網民幾認為該做法實在無謂：

• 「會咁講果啲我一律當佢痴線看待」
• 「其實呢啲真係好小事，留意得嗰啲人應該都真係好得閒無嘢做」
• 「有幾十個cc緊，然後突然要加一兩個人，咁咪要中間插落去？」

潛規則二：秘書態度決定生死

除了Email cc需按職級高低排序，早前亦有網民在討論區分享其他職場潛規則，其中有指打工仔可以透過老闆祕書的態度得知自己將來的職場命運。

• 「大老闆秘書對你嘅態度反映老闆睇唔睇你，特別係大公司入面。大秘書同你有講有笑即係你個位坐得好穩。相反嘅話就要有危機感」

• 「識擦鞋同老細身邊人打好關係先上到位」

• 「始終人哋祕書先係最接觸上層嗰嗰」
• 「你係升係跌人哋第一個知，你要升即係老闆睇好你人哋緊係對你笑到十萬咁口，你要跌？人哋緊係唔X理你啦」

潛規則三：白紙黑字

職場工作上有白紙黑字的記錄對彼此更有保障，故有不少網民認為把口頭對話以白紙黑字形式記錄下來作為參考亦是職場潛規則之一。

• 「無文字/email紀錄嘅嘢=廢話」

• 「電話deal完嘅嘢要出email as spoken…」
• 「就算簡單的交接工作電話傾完都要sent返email做記錄」

延伸閱讀：55歲李克勤擁2億元豪宅商廈 盧淑儀2600萬買樓冇通知老公：佢識咩吖！

延伸閱讀：HKTVmall 、TVB市值之爭｜ 王維基4月中試播「HKTVLive」 對撼TVB直播帶貨