轉工

一份工做咗十幾年想轉工 網民:我係你就唔會轉

職場

廣告

【轉工】唔少人都會喺年頭年尾拎咗雙糧、獎金就轉一轉環境甚至行業,但除非已在公司鬧得非常不愉快,否則轉工之前一般都思前想後考慮清楚,以免又入錯行浪費光陰。有網民就出帖問:「一份工做咗十幾年要轉工係咪好難…」

撰文:浩德 | 圖片:unsplash香港討論區|資料來源:香港討論區

冇人工加 冇bonus 得雙糧

工作除了獲取薪金之外,是否能在工作過程得到滿足感、是否有前景,都是很多打工仔考慮的因素。

有網民就出帖指,「喺大公司做咗十幾年會計文員,今年冇人工加,冇bonus出,得雙糧,自問勤力盡責,工作量多,但冇升職機會,轉唔轉工好?定讀書再進修好?」希望大家給予他意見。

問題一出即吸引大批網民熱烈討論,而且各有各觀點及意見。

升職唔係睇年資

部分網民留意到樓主的行業是會計文員,並指是否轉工要視乎樓主現在人工幾多而決定。

由於市場上會員文員一般都是12-15K 人工,但樓主表明自己人工高於此數。

所以有網民直言:「升職唔係睇年資」、認為「唔轉好過轉」,因為「十份中有九份都無呢個數」。

進修可助升職或轉工?

樓主希望透過進修增值,認為「出去揾工都易d」。而大部分網民均表示支持。

「進修一下都好既(嘅),如有時間又唔攰」

「其實進修一下增值自己都係好事」

「進修咗先你眼界開咗,才再望下自己的情況。」

「讀咗永遠係自己嘅!有$有時間咪讀囉!」

轉工定唔轉工 各有說法

至於轉工定唔轉工,網民各有各說法,有人認為「其實你咪試下搵工,試下水溫…

好老實,見工好講運氣,就算經濟大氣候差,你都有機會遇到份好嘢… 相反亦都可能份工仲衰過e家…」

亦有人直指: 「我係你就唔會轉」因為「唔通去新公司重頭學起咩」。

加上認為樓主本身份工有雙糧,雖然要OT但起碼有OT allowance。

「出邊做會計十份有咁八份要OT,仲要係無償果隻。」

不支持樓主轉工的網民指:「低學歷嘅會計文員,去到邊都係咁上下」,而且樓主本人都擔心搵新工會「衰過e家個份」及要重新適應新環境。