學習英文

一定要外國人教? 打破5個學習英文的迷思

職場

廣告

傳說學好英文有幾個必備條件,例如要有外國人老師教授、最好去外國讀書、細細個開始先可以學得好。呢一大堆「學好英文嘅必備條件」,可能唔覺唔覺都阻礙咗你學英文嘅決心。不過宜家唔使驚啦,因為阿滴會將呢啲所謂嘅「必備條件」一個個咁打破。

 

 

 

1. Requires to start early (必須從少開始)

有由細個開始學習英文,點都有少少優勢,不過遲起步都唔代表會學唔好。其實就算幾多歲都可以開始學,只要肯花時間,一樣可以學得好英文。

 

2. Requires to study abroad (一定要去留學)

出國留學最大嘅好處就係有個良好嘅英文語言環境,但係如果只係一味靠環境幫你學英文,其實都未必學得好,阿滴都話,努力點都大於環境。所以就算你未有外國留學嘅經驗,你都可以自製英語環境,幫自己學好英文。

 

3. Requires a native speaker (要外國人教)

其實教得好唔好,同老師係邊個國籍,基本上係冇關係嘅。好多時,我地都會標籤一啲外國老師一定會教得好好,而本地老師就比較輸蝕。不過,實情係老師嘅教學方法先係最重要,而唔係老師嘅國籍。所以,如果你遇到個好嘅英文老師,就唔好放過佢啦!

 

4. Requires standard accents (一定要標準腔)

講得一口流利而好聽嘅英文當然係好啦,所以有唔少人都以為講得好聽就等於英文好,不過其實係兩個concept。因此,就算你英文發音唔係好正宗,都唔需要怕醜,練習多啲去改善。其實只要可以同人溝通同交流,都已經好唔錯了。

 

5. Requires no effort or work (可以輕鬆不費力)

好多補習都好鐘意用「輕鬆唔使背vocab」就可以學好英文做招徠。不過,阿滴就話 “How hard you learn, decides how well you learn.” 其實都係嗰句啦,要學得好,點都要落用心機同時間,只要有落功夫,點都會有回報嘅!