英文進步

好使好用 3大網站助你英文進步神速

職場

廣告

大部香港人平日除咗呼吸,做得最多嘅應該都係上網。返工咁辛苦,上個網hea一陣都好應該啫。不過,你有冇諗過可以一路hea ,一路學英文呢?如果你可以善用上網hea嘅時間學埋英文,你啲英文一定會進步神速呀!今集阿滴就介紹咗3個可以just for fun 嘅英文網站,睇得多點都有啲進步。

 

 

 

 

1/ 9GAG

相信大家對9GAG都好熟悉,呢個網站嘅post通常都係一張圖或者gif加埋一小段文字,網站嘅熱門排行榜每隔一陣就會更新,所以就算你成日上9GAG都唔會睇到重複嘅post。9GAG嘅post英文簡單又好笑,對於平日唔睇開英文嘅你,應該係個幾好嘅選擇。

 

2/ BuzzFeed

BuzzFeed 係一間新媒體公司,大家可能都有follow 佢地嘅Youtube Channel。BuzzFeed主要內容都係美國發生嘅趣事,有文同片可以睇。網站嘅內容都比較多,所以阿滴就建議可以先從Trending 呢個欄目開始,因為Trending嘅文章多數都比較得意。

 

3/ Reddit

Reddit 一個美國好紅嘅網絡討論區,號稱係the front page of the Internet,啫係好多網民都會上去發表文章同吹下水。阿滴就推介三個得意啲嘅版俾大家:

  1. askreddit

俾大家問問題,之後網民會有討論同回應。

  1. Today I learn

網民會講下今日自己所學到嘅知識,睇下睇下`有時仲可以學到一啲新嘅冷知識添!

iii. TIFU

如果你心情唔好就可以去呢度行下,因為網民會將自己今日所做嘅蠢事post出黎,俾大家笑下。

 

大家不妨可以去下以下介紹嘅網站,將英文一步步入融生活啦!