打工仔月入2萬唔敢戴勞力士返工 網民點解話有錢人先唔戴勞力士?李嘉誠、Bill Gates鍾情平價錶 最平10美元可入手?

打工仔應否「戴勞」返工?月入2萬網民被同事眼超超 誠哥都只係戴Citizen

職場

廣告

雖說手錶是身分的象徵,但有人卻指職場上有一個潛規則,打工仔戴的手錶,不能比老闆、上司貴。日前,有打工仔在討論區內發文表示,自己的月薪不算高,亦不是公司高層,不敢戴勞力士返工。帖文一出,引起網民熱烈回應,有人認為該打工仔多慮,直言「錶買嚟唔戴做咩」。

撰文:經一編輯部|圖片:Unsplash、中新社

打工仔:低級職員應否戴勞返工

日前,有位打工仔於香港討論區以「低級職員應否戴勞返工?」為題發文,表示自己十多年前曾以低價購入一隻勞力士,現已升值為10萬,但他卻發現每次戴這隻手錶上班,同事都會以奇怪目光看待他。而該打工仔轉工後,由於月薪不高,因此不敢戴這隻勞力士上班。

「十幾年前,出嚟跑數做sales,上司多次苦口婆心叫我使啲錢裝身,所以當年人工2萬,買隻鋼勞返工,4萬5千元。之後行業不境氣,都要轉行由低做起。去到其他行業,同事都用奇怪眼光睇我隻錶,只因隻錶升值得好快。今年,我返一份新工,人工都係兩萬零(十幾年原地踏步),隻錶已經要10萬,我都唔敢戴返工了。」

打工仔呻唔敢戴勞力士返工 網民點解話有錢人都唔戴勞力士?李嘉誠、Bill Gates鍾情平價錶 最平10美元可入手?
有位打工仔發文表示,怕同事奇怪眼光,不敢戴勞力士返工。(圖片:Unsplash)

網民:周街都勞啦!

樓主帖文一出,引起不少網民熱烈回應。有人認為要依照工種決定,指在「香港地先敬勞仔後敬人」,又有網民表示自己戴錶貴過老闆,皆因有見客需要。不過,部分網民回覆樓主指不應過份憂慮外界的眼光,認為勞力士只是一隻普通的手錶,大部分人都不會在意。

  • 「周街都勞啦!」
  • 「唔明戴勞有咩問題,普通嘢。」
  • 「爛鬼工具錶一隻,唔使咁上心 。」
  • 「你以為人哋會懷有奇異眼光,係你一廂情願而已!」
  • 「又係錶一隻。」

有人話勞力士好普通 連10大名錶都唔入?

有網民續指,外界不應將勞力士吹捧成身分象徵,因為普遍戴勞力士的人只會「當普通錶咁戴」,更有人表示若上司認為下屬戴勞力士過份浮誇,只是他的層次未夠。

  • 「只係英文字串成的品牌名字!只係1隻電子或自動或上錬的手錶!店主眼中係商品;玩家眼中係玩具;用家眼中係手錶。」
  • 「勞力士只係呃到班唔係好認識錶的人,一見到勞力士就覺得勁。如果你上司覺得你浮誇,只係佢層次未夠而已。」
  • 「其實勞同精工錶無分別,唔知啲人點解咁奇異眼光望住!戴嘅人當普通錶咁戴!」
  • 「勞力士,個名都話咗畀你知,勞工階層先會買,人哋覺得你無大志。」
  • 「勞力士錶以前係啲粗人戴嘅,後來撈得起嘅人戴多,貪佢諧音有得撈襟撈,連十大名錶都唔入,有錢人唔戴㗎。」
打工仔呻唔敢戴勞力士返工 網民點解話有錢人都唔戴勞力士?李嘉誠、Bill Gates鍾情平價錶 最平10美元可入手?
有網民指勞力士只係1隻電子或自動或上錬的手錶。(圖片:Unsplash)

戴錶同工種無關 好多人都戴勞?

更有網民認為戴錶是個人風格的體現,與財富、收入沒有太大關係,例如收入低不等於用不起奢侈品,收入高亦不一定全用名牌,指樓主根本不應該過份擔心。

「戴錶應該係個人風格的表現,同工種、財富有部分、但不應有太大關係。」

  • 「大把𡃁仔揾萬零蚊都幾千蚊件衫、幾千蚊對鞋、幾萬蚊個袋啦!」
  • 「樓主有否見寫字樓女職員拿著的幾萬元名牌手袋。分分鐘貴過閣下手戴着的勞力士錶。」
  • 「上個禮拜我叫阿叔上嚟裝修,佢都戴隻勞,唔係咩新鮮事,又唔係開林寶返工。」
  • 「我𡃁妹時已戴勞返工, 做份秘書仔一萬鬆啲人工咋 。我阿哥結婚時, 屋企人買勞畀佢兩公婆, 老豆錫我買埋畀我,我係金鐘返工,日日著套裝戴勞上班,都唔算啲咩。」
  • 「你鐘意戴就戴,同人工高低有何關係,唔明…」

勉強戴勞 只會被看不起

雖然不少網民勸樓主可以戴勞力士上班,但有人卻指配戴與個人身分、收入不匹配的手錶,最終只會被人看不起,分分鐘會被人嘲笑。

  • 「戴出嚟人哋都當你用 A 貨,就算真貨人哋都只會覺得你節衣縮食死慳死抵買返嚟,暗暗笑緊你。」
  • 「身大過家,明眼人會睇唔起。」
  • 「低調啲,財不可露眼。」
  • 「學大劉話齋,我戴隻假嘢出嚟都唔會有人覺得係假嘢!」
打工仔呻唔敢戴勞力士返工 網民點解話有錢人都唔戴勞力士?李嘉誠、Bill Gates鍾情平價錶 最平10美元可入手?
又有人覺得,身大過家,反而會令人看不起。(圖片:Unsplash)

富豪一定用名錶?

部分網民指,不少香港人鍾情玩錶,甚至有人留言指「大部份香港人隻錶貴過香港首富」。雖然有人認為手錶是身分與品味的象徵,但事實上不少城中名人、富豪所用的手錶並非名貴,對他們而言實用性較為重要。

長江集團創辦人李嘉誠戴Citizen手錶 價值港幣2,700元

以長江集團創辦人李嘉誠為例,多年前他曾接受《彭博》訪問,當時記者發現李嘉誠所配戴的手錶為日本品牌Citizen的光動能手錶(AW1165-51E)。

據官方網頁顯示,該手錶定價為港幣2,700元。當時記者問李嘉誠,使用這隻手錶身邊的朋友會否以異樣的眼光看待他,李嘉誠表示,所配戴的手錶若價值10萬,要用得小心,但如果只是數百美元。他可以打高爾夫球、游泳、做任何運動也可以戴,則不需要小心翼翼。

打工仔呻唔敢戴勞力士返工 網民點解話有錢人都唔戴勞力士?李嘉誠、Bill Gates鍾情平價錶 最平10美元可入手?
李嘉誠所配戴的Citizen手錶,售價約港幣2,700元。(圖片:中新社)

世界第二首富比爾蓋茨用CASIO電子錶 10美元即入手

除了李嘉誠,世界第二首富比爾蓋茨(Bill Gates)亦鍾情平價錶。據《華盛頓時報》多年前的報導,他手上所配戴的手錶為日本品牌CASIO的電子手錶「W214H-1AV」型號,在Amazon上的售價約10美元,約港幣78元。另外,比爾蓋茨過往出席公開活動時,曾配戴CASIO的潛水錶,Casio Quartz Diver 200m WR,價值約50美元,折合約港幣390元。

打工仔呻唔敢戴勞力士返工 網民點解話有錢人都唔戴勞力士?李嘉誠、Bill Gates鍾情平價錶 最平10美元可入手?
作為全球第二首富的比爾蓋茨,他曾配戴日本品牌CASIO的電子手錶,在Amazon的售價為10美元,折合約港幣78元。( 圖片:中新社)