診所職場事

【經一專欄】診所職場事 【寶豬趣聞】屈|珍寶豬

職場

廣告

【經一專欄・診所職場事】有日兩位後生女嚟到一齊登記睇醫生~

佢哋行過去坐低時, A後生女同B後生女講:「你知唔知睇醫生係可以唔駛錢?」
B:「你識個醫生㗎?」
A:「唔駛識㗎」

撰文:珍寶豬
B:「咁點解唔駛錢呀?」
A:「要唔要我教你呀?一陣一齊入去睇學嘢呀!」
B:「犯唔犯法嘅先?」
A:「我哋就唔犯法嘅,個醫生就有可能會囉」
哇~聽到咁我即刻打醒十二分精神,有人做賊都做到咁開揚~
B:「即係點呀?你講我知一陣點做先啦」
A:「你唔駛做啲咩㗎,佢聽你心口嗰時我會幫你㗎啦」
B:「幫?」
A:「嗯,扮嘢俾佢掂到得㗎啦」
師傅!我明白啦~等我即刻講俾醫生知先。

於是佢哋睇醫生時,我成為咗親切的跟症了。
A一入到醫生房見到我已經打個突,佢向B打個眼色示意B坐低。
醫生正常問診後同B講:「擰轉面,我同你聽吓」
A再同B打眼色,B坐得正直揭起上衣~
我同B講:「小姐,唔係咁啊,係擰轉面俾背脊醫生聽啊~唔駛嗱到件衫咁高㗎」
B:「吓….咁…」
咁咩呀~擰轉身啦粉餅。
兩位正正常常睇完醫生後,出到去B問A:「係咪即係要俾錢呀?」
A:「今次個醫生咁奇怪嘅!我之前睇嗰啲唔係咁聽㗎!」
B:「係咪個醫生知道我哋想點呀」
A:「肯定有二五仔!」

我望望佢哋微笑了。我唔係企喺你哋嗰邊嘅話,應該唔算係二五仔吧?