55個職位最快被AI取代！ChatGPT答案嚇壞連登仔：極大量港人準備揸兜！
廣告
OpenAI旗下的聊天機械人ChatGPT 最近成為城中熱話，由於ChatGPT能夠以接近人類的思考方式回答人類的問題，引來不少網民向其提問。近日ChatGPT羅列多個有機會被AI取代的工種，引起網民熱討。
AI比人類更有效率的工種？
近日，有網民在連登討論區以「有咩工作AI比人類更有效率? 估唔到 ChatGPT 咁答」為題發文。該網民羅列了ChatGPT的答案，指AI比人類更有效率的職位包括翻譯和語言相關職位、寫作和內容相關職位、分析與研究相關職位、營銷和傳播相關職位、管理及行政相關職位，例如：
- 翻譯家
- 內容創作者
- 編輯
- 法律文件審查助理
- 數據分析師
- 金融分析師
帖文引來網民熱討，有人留言，指ChatGPT認為牽涉到創意、情感和個人立場、醫療、藝術、領導的崗位，都較為「安全」，這些職位未必在短時間內被取代，例如：
- 設計師（時裝設計師、室內設計師、電子遊戲設計師等）
- 婚姻家庭治療師、心理健康專家等
- 醫生（牙醫、獸醫、外科醫生等）
- 藝術家（舞蹈家、魔術師、音樂家、雕塑家等）
- CEO、COO、CFO等
網民：AI點樣叻都取代唔到社工
有不少網民認同ChatGPT 的答案，指大量行政和文書工作容易被AI取代：
- 「坦白講，真係極大量」
- 「到時應該好多男人無工做」
- 「學語言用ai最正，立即糾正你grammar」
- 「寫CV， COVER LETTER，覆Email 已經開始成日用佢幫手，唔駛太講究創意嘅工作絕對勁過人類，反而叫佢畀橋就會畀啲好大路嘅Idea 你，始終創意嘅嘢冇Standard 佢冇得跟，不過都有可能我個prompt 寫得唔好」
也有人認為人類比AI更勝任情感類、講求創意的工種：
- 「一直覺得只有同人類情感有連結既工作最後先唔會比AI取代，即係心理學家、老師、社工呢一類，人需要同人有連結係生物嘅本性，機械人同AI點樣叻，點樣識安慰你，點樣識講好說話都好，正常人係唔會滿足得到，有心理需要點都要有個人陪同聽（班終極毒X就例外）」
- 「有幾個方向係AI基本上取代唔到，情感類、決策類、高精準工作類，因為AI冇辦法解決「garbage in garbage out」，有啲嘢愈學愈錯，不過要「取代」唔到並唔代涉足唔到，例如畫家日後好可能要用ai畫做底、編劇好可能要執ai劇本，而人類嘅工作就由純手工變成進一步用ai輔助咁上下」
圖片來源：unsplash@Jonathan Kemper、
