公屋世界級走廊獲送貨員力讚 代理現身幫私樓「護短」：你部𨋢已經失禮死人
廣告
公屋、私樓本來就是兩個不同市場，論環境配套和物業價值可能是兩碼子的事，現實條件往往有落差。然而，有送貨員為公屋配套大平反，發文力撐公屋走廊完勝私樓，令一眾「私樓控」無地自容。
大讚公屋：私樓走廊密不透風
有自稱送貨員的網民於討論區發文，表示自己因工作關係，至今走訪過無數私樓，更特別對私樓走廊設計有所感受，直指私人屋苑走廊大多數「密不透風」 ，每次送貨都「焗到想嘔」。
該名送貨員表示：「私樓啲走廊密不透風，我送親貨等個客開門或落貨都焗到想嘔；反之，公屋走廊又大，又有跳樓位通風，去親都好舒服。」
此番言論隨即引起公屋、私樓兩派網民展開激辯。有公屋派認為，給予負評者多數是不肯面對現實，不甘心私樓走廊跑輸公屋。
網民又舉例指「私樓淨係等多陣𨋢都想死」，原因是私樓住客不遜公屋，而每部升降機又逼又窄又焗，部份屋苑升降機更貼上廣吞宣傳，令整體觀感降格。
網民：公屋走廊可以踢波
送貨員：「我送貨送象山村、華富村呢啲，通風又涼爽，啲公屋客仲有幾廿蚊貼士。」
- 「公屋走廊可以踢波！」
- 「公屋啲走廊又闊又光猛。」
- 「公屋走廊做得好先留到人喺度玩。」
- 「我落雨送貨去公屋都未見過成地水咁誇！」
- 「政府樓唔洗考慮利潤，私樓逐呎計到盡！」
- 「依家啲私樓真係窄，尤其係新樓！」
- 「去個朋友新居，走廊窄到冇可能兩個人一齊行。」
- 「重點係（私樓）走廊有咁窄得咁窄，賣得一呎得一呎啦。」
有疑似代理身份的私樓派隨即反擊：「紅磡半島豪庭走廊提供冷氣，走廊空氣質素好過我室內長關窗。以前放學夏天最開心係上樓段路，應該好多私樓都有（冷氣）。」
惟有住私樓網民補充，並非每個私人屋苑走廊都有冷氣，認為此舉會轉嫁到管理費之中：「作為業主我只睇到一堆管理費」、「而家新樓通常都冇（冷氣），好唔習慣，感覺差好遠。」
- 「我估咁設計，可以偷多啲位畀間屋。」
- 「私樓出𨋢行去自己個單位步程頂多10秒。」
- 「私樓走廊又唔會好似公屋咁，成日有人企喺度煲煙或者拎住罐啤酒吹水。」
- 「公共地方少啲，管理成本低啲。」
- 「舊私樓無乜人會用公共走廊，唔怕被人投訴咩？」
- 「私樓點解無窗係開則問題，座樓對街位全部拎去做客廳睡房賺錢好過。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：政府新聞處、unsplash@duanestein、unsplash@eltimeshau、unsplash@realweidan
