公司肯包午飯 月慳$1,200 吸引嗎「 喺公司食 即係無lunch hour」|網民熱話

公司肯包午飯 月慳$1,200 吸引嗎「 喺公司食 即係無lunch hour」|網民熱話

【公司・網民熱話】公司肯包伙食,會唔會令你更勤力工作、更熱愛公司?近日有網民提到自己收到兩個job offer,其中一個肯包午飯,似乎呢個舉動係該名網民心中又加咗分,你又會唔會為「免費午飯」而選擇該份工?

撰文:麗爾 | 圖片:電視截圖、unsplash

樓主表示有兩間公司都俾offer佢,兩間人工差唔多,但一間會包午飯,所包嘅午飯係限定某一間餐廳的外賣紙,感覺上幾吸引,計落一個月都可慳成千2蚊。

樓主自稱對食無乜要求,唔太難食都可以接受。

公司 午飯 lunch hour 網民熱話
【公司・網民熱話】圖片: unsplash

睇喺邊區返工

網民表示搵工睇前途要緊,為個飯盒揀份垃圾工就無謂。亦提到俾免費飯你食唔一定啱你口味,隨時可能係「垃圾飯盒」,樓主隨時食唔慣。反問樓主「如果好難食,你會點」?提醒樓主你雖然佢表示對食無要求,但都有可能仲高過公司條線,「食唔慣真係會日日肚痛架」。

另外有人都提到,要睇兩份工喺邊區,個飯盒有冇limit,表示「中環灣仔咪計你 80*23; 九龍區咪計 50*23」。勸樓主要問埋係咪可以出去食,如果要喺公司食 食完係咪可以出去。

公司 午飯 lunch hour 網民熱話
【公司・網民熱話】圖片:電視截圖 

公司或只係想對同事好少少

樓主有補充包伙食嘅公司屬細公司,全公司得5、6個人,直屬老闆。

網民擔心免費飯係一個陷阱,背後目的係想困住員工,食完十五分鐘之後要繼續做。「包親飯既公司你預爬完兩啖好繼續做野」

另外有人提到公司有可能只係想對同事好少少,但都俾人諗到係想度縮想洗盡員工咁。該網民提到自己以前公司附近多食肆,但晏就又好多人排又多人等lift,秘書會11點咁上下問定食咩佢一次過叫外賣,送到上pantry舖好哂檯開好哂拎埋野飲先叫員工入去食。

「食緊飯成team吹下水,pantry有塊白板有時可以寫下野畫下畫

HR個妹畫哂全公司一人一個icon係上面

食完執完野你鍾意返位訓又得,爆石又得,落街行下又得

1400自動自覺開工就得」

公司 午飯 lunch hour 網民熱話
【公司・網民熱話】圖片:電視截圖 

 

 

相關文章