被老細睇死唔敢裸辭 用到你盡 「打工是合作 不是奴隸」|網民熱話

被老細睇死唔敢裸辭 用到你盡 「打工是合作 不是奴隸」|網民熱話

【裸辭・網民熱話】究竟同事可唔可以做到朋友?老細又信唔信得過?最近有網民提到,自己公司有同事就係被人知最近買咗樓,所以被睇死唔咁裸辭,老細亦愈來愈過份,瘋狂加辛,完全唔擔心呢位同事會轉工!

撰文:麗爾|圖片:電視截圖、unsplash

樓主表示自己有同事俾老細摸清底細,所以做到極辛苦都冇得出聲。事因該同事同老細太熟,全公司都知佢買咗樓,要供mortgage。「知你有財政壓力,你老細就自然食住上,洗到你盡,睇死你唔可以隨時反枱走人。」樓主提出要生存在職場上,就要留意以下兩點:

1.職場上用官腔講嘢

同老細相處,都係官腔啲保持距離好。私生活嘅嘢就儘量唔好交代太多,遇著問你租定買,或者有無細路呢啲問題,諗過/諗定先好答。

試諗下,打工本身已經係一個資訊唔平等嘅情況,即係你老細知你幾錢人工,知你住邊到,如果你仲要俾佢知你係買,即係知你供款佔人工比率。「唔好諗住有得放假放AL,叫你即刻放緊假飛出黎開會,或者星期六日返公司做野都仲得!」

裸辭 打工 合作 奴隸 網民熱話
【裸辭・網民熱話】圖片:電視截圖

2.要俾你老細知道底綫

唔好乜都話好,就算冒住俾人剷嘅險,都要俾老細知道底綫。

樓主提到老細無乜time management,鍾意安排到啲工作/deadline係橫跨個weekend,入職幾個月老細曾經幾次想樓主weekend返工跟project。

當老細知道同事無咗份工唔得,所以就好「睇」佢,俾好多工作exposure佢,放假都要出去開會。

俾老細知你唔怕裸辭

有人建議就算係買咗都唔使怕老細。「呢個年代邊個唔借盡。壓力測試下最大味就係人工既40%,根本唔使查。

你老闆問你最近工作點呀,你可以反問佢咁好生意幾時加人手」

網民提到當然係打死都唔講自己嘢,「不嬲盡量少透露太多嘢,俾人問私人嘢就問番佢同樣問題,最好做到互瀟太極」。

職場要盡量避忌,如果唔係好難會上到位。資本家同打工仔係唔平等。「打工仔處下風,除非你得到好大尊重同自主。否則,咪烚熟狗頭咁」。

不少網民都同意樓主同老細/公司係要同價交換, 一分錢一分貨, 同埋唔好比老細睇穿。

「打工最忌係咩都say yes, 做到爆左煲搞到要搵個份就自己拿黎衰啦。我成日都有意無意比老細覺得我係勁勁唔like OT, 除非堅係急, 咁就唔會唔幫手, 佢都因為OT 或成日叫我六日home office, 做野問題訓示個我最小5次, 但自問己交突value,就算唔成日OT 佢都唔會郁我咪得啦。同vendor 一樣, 其實老細都係要訓練的。」

裸辭 打工 合作 奴隸 網民熱話
【裸辭・網民熱話】圖片:電視截圖

 

有過來人提到,「輸打嬴要係佢哋(老細)本性,只存在有無利用價值。」

「好生意,搭膊頭、什麼幫幫手,年尾分紅冇你份,生意差又搭膊頭、什麼同甘共苦,扣哂d福利」

有打工仔表示自己曾遇到一個為左佢仆心仆命工作嘅老細,當時只有佢老細,人手唔夠,假期都會照返 但結果現在有咗budget請多咗人, 佢就變得唔重要了,仲可能無得再續約,好大壓力但又要扮表面無事。

亦有人不滿現時工作,但因為返朝八晚五,時間靚,加上有小朋友唔敢亂咁辭職。

裸辭 打工 合作 奴隸 網民熱話
【裸辭・網民熱話】圖片: unsplash

 

 

 

The user will never see this