為權力唔認兄弟 以前好同事 升職即「揸正嚟做」|辦公室政治|藍橘子

為權力唔認兄弟 以前好同事 升職即「揸正嚟做」|辦公室政治|藍橘子

【為權力唔認兄弟 以前好同事 升職即「揸正嚟做」】成日都聽人講,喺辦公室嘅人際關係要分明。唔單止盡量唔好喺公司發展情侶關係,連朋友關係都盡量唔好太親近。

撰文: | 圖片:網上圖片

同事升職即「揸正嚟做」

最近有個朋友正因為呢件事唔多開心,佢喺公司做咗六年,幾個男同事一齊出生入死,好多大Project都一齊搏返嚟。

所以幾個人互相稱兄道弟,連結婚擺酒都搵對方做兄弟。

終於,幾個月前佢哋幾個捱出頭,其中一個兄弟升職做經理,管晒幾條Team。

捱咗咁耐,雖然唔係自己升職,但都替兄弟高興,當晚放工幾個兄弟去慶祝飲酒,本來以為幾兄弟永遠唔會出現辦公室政治,點知…

唔夠一個月,升職嗰位兄弟自從做咗經理,任何事都「揸正嚟做」,例如唔可以去後樓梯煲煙打機,以前出去見差不多收工,會直接提早放工。

但而家見客都要限時,見完立即返公司。

延伸閱讀:沉迷傳說對決、PUBG的打工仔 因為工作沒法得到應有的成功感

升職, 同事, 揸正嚟做, 辦公室, 權力遊戲, 深宮計, 公司, 兄弟, 朋友
唔夠一個月,升職嗰位兄弟自從做咗經理,任何事都「揸正嚟做」,例如唔可以去後樓梯煲煙打機,以前出去見差不多收工,會直接提早放工。

體驗1分鐘貸款批核,隨時提款話咁易!

升職令兄弟情決裂

幾個兄弟試過坐埋一齊傾掂佢,但做經理嗰個話「呢個係老闆Order,老闆一直都唔鍾意,而家叫我執返正,我都無辦法。」

就因為呢一句,兄弟情就決裂了。

連平時個whatsapp group都好少出聲,幾個兄弟已經另開一個小圈子group,連食飯踢波都無預嗰位高層。

因為覺得佢一升職就揸雞毛當令箭,為咗權力唔認兄弟,成日掛住同高層食飯,成個人唔同晒。

作為一個旁觀者,覺得升職嗰位經理左右做人難,如果真係老闆落Order,真係幾難拒絕。

延伸閱讀:射波早收工 偷懶唔緊要 最重要對得住成班同事

升職, 同事, 揸正嚟做, 辦公室, 權力遊戲, 深宮計, 公司, 兄弟, 朋友
為咗權力唔認兄弟,成日掛住同高層食飯,成個人唔同晒。

每日上演《權力遊戲》同《深宮計》

如果一個經理唔管住下屬,咁點解要升你做經理?

加上上述嗰位經理同時管幾條Team,如果偏坦兄弟又會被其他人背後講壞話,唔通仲繼續一齊蛇王煲煙打機咩?

經理級高層互相都有競爭,每日都上演住《權力遊戲》同《深宮計》,唔打交道好難保住權力地位。

身份地位唔同咗,成個世界觀唔同晒,自然唔可以用返以前做比較。

有句說話,當你電話簿喺對方個名前面加咗公司名,就永遠做唔到朋友。原來係有道理…

體驗1分鐘貸款批核,隨時提款話咁易!

申請DBS Black Card簽賬滿$5,000,即換取台灣來回機票!

延伸閱讀:

轉數快8大實用功能 免手續費兼賺盡優惠

五種自製長糧方法 月月有收入 唔學會後悔